အချစ်ဦးကို မမေ့နိုင်တဲ့ အကြောင်းအရင်း..

★ ★ ★ ★ ★

လူတစ်ဦး တစ်ယောက်စီတိုင်းရဲ့ ဘဝမှာ အချစ်ဦး ဆိုတဲ့သူ တစ်ယောက်တော့ ရှိကြပါတယ်။ မိဘ ဆွေမျိုးသားချင်းတွေ ပြီးလျှင် ဘဝမှာ ပထမဆုံး ချစ်ခဲ့ရတဲ့သူကတော့ အချစ်ဦးပဲ ဖြစ်ပါတယ်။ အချစ်ဦးမို့ ရူးတောင် မမေ့ဘူး ဆိုတဲ့ ရှေးကတည်းက ဆိုခဲ့တဲ့ စာဆိုများအတိုင်း အချစ်ဦးကို လူတိုင်း ဘယ်သူမှ မေ့လို့ရမယ် မထင်ပါဘူး။

ဆယ်ကျော်သက် အရွယ် (သို့) နှစ်ဆယ်ကျော်သက်အရွယ် အများအားဖြင့် ဆယ်ကျော်သက် အရွယ်မှာ အချစ်ဦးကို တွေ့ရှိပီး ချစ်ခဲ့ကြတာ များပါတယ်။ အချစ်ဦးကို မမေ့နိုင်ရတဲ့ အကြောင်းများကတော့...

1) ရင်ခုန် စိတ်လှုပ်ရှားပြီး ပထမဆုံး ချစ်ခဲ့ရတဲ့သူ ဖြစ်လို့ပါ။

2) မျက်နှာလေးမြင်ရုံ၊ အဝေးက လှမ်းတွေ့ရုံနဲ့ ပျော်ရွှင်စေနိုင်တဲ့သူ ဖြစ်လို့ပါ။

3) ပထမဆုံး ချစ်ခင်ရတဲ့ သူစိမ်းတစ်ယောက် ဖြစ်လို့ပါ။

တစ်ခြားသော အကြောင်းအရာ များစွာကြောင့် အချစ်ဦးကို မေ့လို့ မရတတ်ကြပါဘူး။ အချစ်ဦး ဆိုသူနဲ့ အခုအချိန်ထိ ပေါင်းဖက်ကြတဲ့ သူတွေ ရှိသလို အကြောင်း အမျိုးမျိုးကြောင့် အချစ်ဦးနှင့် လွဲခဲ့ရသူတွေလည်း ရှိပါတယ်။

အချစ်ဦးကို အရင် အချိန်တွေက မုန်းခဲ့၊ နာကျည်းခဲ့တာတွေ ရှိချင်ရှိမယ်။ အချိန်ကြာလာပြီ ဆိုရင်တော့ အချစ်ဦး ဆိုသူကို မမုန်းဘဲ ရင်ထဲက သံယောဇဉ်ရှိတဲ့သူ တစ်ဦးအဖြစ် သတိရနေအုံးမှာပါ။

လက်ရှိမှာ ချစ်ရတဲ့သူ ရှိနေရင်တော့ တစ်ခါတစ်ရံ အချစ်ဦး ဆိုတာကို သတိရတတ်တာမျိုး၊ Facebook သုံးရင် People you may know မှာ သူ့အကောင့် ပေါ်လာရင် ဝင်ကြည့်တတ်တာမျိုး၊ သူအောင်မြင်တာတွေ့ရင် ဝမ်းသာတတ်ပြီး ရှုံးနိမ့်တာမျိုးတွေ့ရင် စိတ်မကောင်း ဖြစ်တတ်တာမျိုးတွေ ရှိတတ်ပါတယ်။

အဲ့တာက အချစ်ဦးကို ပြန်လိုချင်တာကြောင့်၊ လက်ရှိ ချစ်သူကို ဖောက်ပြန်ချင်တာကြောင့် မဟုတ်ပါဘူး။ သူလည်း သူ့ဘဝ ကိုယ်လည်း ကိုယ့်ဘဝ ဖြစ်သွားခဲ့ပေမယ့် သူက ကိုယ့်ရဲ့ အချစ်ဦး ဖြစ်နေလို့ပါ။ အချစ်ဦး ဆိုတာ ဘဝမှာ ဘယ်အချိန်ဖြစ်ဖြစ် သံယောဇဉ် မပြတ်နိုင်သလို ဘယ်တော့မှလည်း ပြန်မလိုချင်တော့တဲ့ သူ တစ်ယောက်ပါ။

credit သက်မြတ်နိုးဝေ (ပစ်တိုင်းထောင်)