ဇနီးသည်စိတ်ပျော်ရွှင်ဖို့ ခင်ပွန်းတွေ လုပ်သင့်တဲ့ နည်းလမ်း (၁၀) ခု

။။။။။။။။။။။။။။။။။

၁။ အိမ်ပြန် နောက်ကျမယ်ဆို ကြိုပြောပါ။

အိမ်မှာ စောင့်နေရတဲ့ ဇနီးမယား အနေနဲ့က လာနိုး လာနိုး စောင့်နေရတာထက် ကြိုသိထားတာက ပိုကောင်းတယ်ဆိုတာ အားလုံး နားလည် ကြမှာပါ။ ဒါကြောင့် တစ်မိနစ်စာ ဖုန်းလေး တစ်ချက်နဲ့ ဇနီးမယားရဲ့ အချိန်နာရီတွေကို တန်ဖိုးထား လေးစားပေး လိုက်ပါ။

၂။ ချက်ပြုတ်တတ်ဖို့ သင်ယူပါ။

ရိုးရှင်းတဲ့ ဟင်းချက်နည်း ၃၊ ၄ မျိုးကို သေချာ လေ့ကျင့်ထားပြီး ရံဖန်ရံခါ ချက်ကျွေးရင်တော့ ဇနီးရဲ့ နွေးထွေးနှစ်လိုဖွယ် အပြုံးကို အမြဲရရှိနိုင်မှာပါ။ ဒီတော့ အားလပ်ရက်တွေမှာ မီးဖိုထဲမှာ ဇနီးကို ကူညီချက်ပြုတ်ပေးရင်း သင်ယူလိုက်ပါ။ ဖြစ်နိုင်ရင်တော့ တိတ်တိတ်ကလေး သင်ယူပေါ့။ ဒါဆို ချစ်ဇနီးရဲ့ မွေးနေ့လိုမျိုး ထူးခြားတဲ့နေ့ တွေမှာ Surprise အနေနဲ့ ချက်ကျွေးလို့ရတယ်လေ။ အမြဲ စောစောထပြီး မနက်စာလုပ်နေကျ ဇနီးက သူမအိပ်ရာအနိုးမှာ မနက်စာ အဆင်သင့် ဖြစ်နေတာမျိုးတွေ့ရရင် ဘယ်လောက် ၀မ်းသာပျော်ရွှင်မလဲ တွေးကြည့်လိုက်ပါ။ ဒီတော့ ချက်လိုက်ကြပါစို့ အမျိုးသားတို့ရေ။

၃။ မကြာခဏ ဖုန်းဆက်ပေးပါ။

ဇနီးတိုင်းက ခင်ပွန်းရဲ့ ဖုန်းခေါ်သံကို မျှော်လင့်နေကြတာဟာ အမှန်ပါ။ အလုပ်မှာ ထမင်းစား ချိန်လေးဖုန်းတစ်ချက်လောက် ဆက်ပေးတာဟာ သူမကို ချစ်ကြောင်းပြ ရာရောက်တဲ့အပြင် သင်ကိုယ်တိုင်လည်း အလုပ်မှ စိတ်ဖိစီးမှုကို လျော့စေပါ တယ်။ သင့်ဇနီးကို သင်လည်းချစ်တာပဲ မဟုတ်လား။ ချစ်တဲ့သူနဲ့ ခဏလောက် စကားပြောဖို့ ဖုန်းတချက်ဆက်ကာ အချိန်ပေးလိုက်ပါ။ ဇနီးကို တနေ့ နှစ်ကြိမ် ဖုန်းဆက်ခြင်းဟာ အိမ်ထောင်ရေးမှာ သိသိသာသာ ပျော်ရွှင်မှု တိုးစေတယ် လို့ ဆိုပါတယ်။

၎။ ဈေးဝယ်ထွက်ဖို့ ခေါ်ပါ။

ဇနီးလိုချင်တာ ၀ယ်ဖို့ ပိုက်ဆံ ပေးလိုက်တာထက် အတူတူ ဈေးဝယ်ထွက်ဖို့ မိမိက စတင်ပီး ခေါ်တဲ့အခါ ဇနီးဟာ အရမ်းကို ပျော်ရွှင်သွားပါလိမ့်မယ်။ စူပါမားကက်ထဲ ရောက်ရင်လည်း ပိုက်ဆံအိတ်ကို ပေးထားခဲ့ပြီး မိမိကြိုက်ရာ ဆိုင်တစ်ခုခု မှာထိုင်နေတာ ၊ တခြားပစ္စည်းတွေ လိုက်ကြည့်နေတာတွေ မလုပ်ပဲ ဇနီးနဲ့အတူ အ၀တ်အစားလေးတွေ ရွေးပါ၊ မီးဖိုချောင်သုံး ပစ္စည်းတွေ၊ ကလေးအသုံး အဆောင်တွေ တူတူရွေးချယ်ပါ။ ဇနီးကို မိမိ ၀တ်စေချင်တာတွေ ရွေးပေးရတာ သဘောကျစရာပဲ မဟုတ်ပါလား။ သင်တောင် မသိလိုက်ပဲ သင်ကိုယ်တိုင်လည်း ပျော်ရွှင်သွားပြီး အများကြီး သင်ယူမိသွားပါလိမ့်မယ်။

၅။ TV ကိုချည်းပဲ ကြည့်နေခြင်းကို ရှောင်ပါ။

သင် ဘယ်လောက်ပဲ ပင်ပန်းလာပါစေ ဇနီးမယားရဲ့ တစ်နေ့တာ အကြောင်းကို မေးမြန်းပီး မိမိရဲ့တစ်နေ့တာ အကြောင်းကိုလည်း ပြောပြသင့်ပါတယ်။ ဒီလို စကားစမြည်သာ မပြောဖြစ်ကြရင် ပြောဆို ဆက်သွယ်မှုဆိုတာ ဘယ်မှာ ရှိလာတော့မှာလဲ။ ဒီတော့ စကားစမြည်ပြော ရင်း ညနေစာစားပြီးမှ TV ကြည့်သင့်ပါတယ်။

၆။ လူရှေ့သူရှေ့ ချီးကျူးစကား ဆိုပါ။

မိတ်ဆွေတွေကြားမှာ ဇနီးကို ချီးကျူးစကား ပြောလိုက်တာဟာ သူမကို ရှက်ပြုံးလေး ပြုံးမိစေကာ တစ်နေ့တာလုံး အားအင် ပြည့်ဝစေတဲ့အပြင် ချီးကျူးဖွယ် ဇနီးကို ပိုင်ဆိုင်ရတဲ့ သင့်ကိုလည်း အများက လေးစားအားကျစေမှာပါ။ ဒါပေမဲ့ လွန်လွန်ကျွံကျွံ မြှောက်ပင့်တာမျိုး မဟုတ်ပဲ သူမရဲ့ လုပ်ဆောင်ချက် တစ်ခုခုကို အမှန်တကယ် သဘောကျနှစ်သက်ကြောင်း ပြောတာမျိုးပဲဖြစ်ဖို့ အထူး ဂရုစိုက်သင့်ပါတယ်။

၇။ သားသမီးတွေအတွက် အချိန်ပေးပါ။

“သားသမီးတွေ ဘယ်သူ ဘယ်နှတန်း ဆိုတာတောင် မမှတ်မိတော့ပါဘူး၊ နာမည်တွေတောင် မှားခေါ်မိလို့ မိန်းမက စိတ်ဆိုးတယ်” လို့ ရယ်မောပြီး ပြောဆိုနေတဲ့ ဖခင်တွေ(တနည်းအားဖြင့် ခင်ပွန်းတွေ) ကို တွေ့ဖူးပါတယ်။ ကလေးတွေကို ကျောင်းအကြို အပို့လုပ်ပေး၊ နေ့လယ်စာ ထမင်းဘူး ထည့်ပေးတာတွေကို လုပ်ပေးသင့်ပါတယ်။ ဒီလို လုပ်ပေးခြင်းအားဖြင့် ဇနီးကိုလည်း ကူညီရာရောက်ပြီး သားသမီးတွေ ကိုလည်း ချစ်ကြောင်းပြရာ ရောက်ပါတယ်။

၈။ ဇနီးနဲ့ အတူတူ ရှိနေချိန်တွေ များများဖန်တီးပါ။

ဝါသနာပါရာ သင်တန်း တစ်ခုခု အတူတက်တာမျိုး (ဥပမာ- ရေကူးသင်တန်း၊ ယောဂသင်တန်း) ၊ မနက်ပိုင်းအတူတူ လမ်းလျှောက်ထွက်တာ မျိုးဟာ စိတ်ပေါ့ပါးစေသလို ပျော်ရွှင်မှု တိုးစေပါတယ်။ ဇနီးမယားနဲ့ နှစ်ယောက်တည်း သီးသန့် ရှိနေဖို့ တစ်နေ့မှာ အချိန် တစ်နာရီလောက် ရအောင် ဖန်တီးနိုင်ရင် အိမ်ထောင်ရေး ပိုမိုသာယာ လာနိုင်ပါတယ်။

၉။ ဇနီးကို အမေတစ်ယောက်လို ထင်မြင်ပြုမူခြင်းကို ရှောင်ပါ။

အိမ်ထောင်ကျခါစ သားသမီးမရှိတဲ့ အချိန်မှာ ခင်ပွန်းသည်ဟာ ဇနီးမယားကို အလိုလိုက် ဂရုစိုက်တတ်ပေမဲ့ သားသမီးတွေရဲ့ မိခင်ဖြစ်လာတဲ့အခါ ဇနီး အပေါ်မှာ အမြင်ပြောင်းသွားလေ့ ရှိပါတယ်။ ဒါဟာ အချစ်ပေါ့သွားခြင်းလည်း မဟုတ်သလို ရိုးအီသွားခြင်းလည်း မဟုတ်ပါဘူး။ ခင်ပွန်းအပေါ်မှာ ကလေးဆန်စွာ ဆိုးနွဲ့တတ်တဲ့ ဇနီးက သားသမီးတွေ အပေါ်မှာ မိခင်ပီသစွာ အနွံတာခံ ဖြည့်ဆည်းပေးတဲ့အခါ ခင်ပွန်းသည်က ဆိုးနွဲ့ တတ်တဲ့ ချစ်စရာ ဇနီးအဖြစ် မမြင်တော့ပဲ အနွံတာခံတတ်တဲ့ မိခင်အဖြစ်ပဲ မြင်သွားပီး မိမိကိုလည်း သားသမီးတွေနဲ့ အတူတူ အလိုလိုက်ဖို့ မသိစိတ်က တောင်းဆိုနေမိပါတော့တယ်။ ဒါဟာ ဇနီးအတွက် တရားမျှတပါရဲ့လား။ မိဘဆိုတာ သားသမီးတွေရဲ့ မှီခိုရာဖြစ်ပီး ခင်ပွန်းဆိုတာ ဇနီးရဲ့မှီခိုရာပဲ ဆိုတာ အမြဲ သတိထား သင့်ပါတယ်။ အိမ်တာဝန်တွေ၊ သားသမီး တာဝန်တွေနဲ့ ပင်ပန်းနေရှာတဲ့ ဇနီးအတွက် နားခိုရာ ခင်ပွန်းအဖြစ် ကြင်နာသနားတတ်တဲ့ နှလုံးသား ရှိသင့်ပါတယ်။

၁၀။ လက်ဆောင်လေးတွေ မကြာခဏ ၀ယ်ပေးခြင်း

တစ်ပတ် တစ်ခါလောက်ဖြစ်ဖြစ် ပန်းကလေး တစ်ပွင့် ၀ယ်ပေးဖို့ ဟာ မခက်ခဲတာ အမှန်ပါပဲ။ ကိုယ့်ဘာသာ ဘယ်အချိန်ဖြစ်ဖြစ် ၀ယ်လို့ရနိုင်တဲ့ ပစ္စည်းလေးတွေဖြစ်ပေမဲ့ ခင်ပွန်းသည်က အမှတ်တရပေးတဲ့ အခါအရမ်းကို ပျော်ရွှင်ကျေနပ်ကြပြီး ခင်ပွန်းအပေါ် ပိုမို ချစ်မြတ်နိုး လာစေပါတယ်။ ဒီတော့ သွားရင်းလာရင်း ချစ်ဇနီးနဲ့ လိုက်ဖက် တာလေးတွေ့ရင် ပန်း၊ လက်ကိုင်အိတ်၊ ကလစ်၊ နှုတ်ခမ်းနီ၊ ဖိနပ်၊ အကျီင်္စတာတွေကို အမှတ်တရ ၀ယ်ပေးသင့်ပါတယ်။ အထက်ပါ အချက်တွေကို ရံဖန်ရံခါ လိုက်နာ လုပ်ဆောင်ခြင်းအားဖြင့် ဇနီးသည်ဟာ မိမိရဲ့ဘ၀မှာ ဘယ်လောက် အရေးပါကြောင်း ဖော်ပြပြီးသား ဖြစ်စေသလို မိမိကိုယ်တိုင်လည်း သာယာတဲ့ အိမ်ထောင်ရေး၊ ကြင်နာတတ်တဲ့ ဇနီးနဲ့ ချစ်စဖွယ် သားသမီးလေးတွေ ပါဝင်တဲ့ စံပြ မိသားစုကို ဦးဆောင်နိုင်တဲ့ ခင်ပွန်းကောင်း ဖြစ်လာနိုင်ကြောင်း ရေးသား ဖော်ပြလိုက် ရပါတယ်။

Credit : Yangon Life