လိပ်ပြာသန့်သန့်နဲ ဘ၀ကို အေးအေးချမ်းချမ်းနေပါ
🌷 🌷 🌷 🌷 🌷🌷 🌷 🌷 🌷 🌷 🌷 🌷
နေနိုင်သူလို့ မထင်ပါနဲ့လား
ကိုယ့်ကို ကျောခိုင်းသွားသူကို နာကျင် ခံစားမိပေမယ့် နေပါလို့ မတားဖြစ်တော့ဘူး . . (တဖက်သားရဲ့ ဆုံးဖြတ်ချက်ကို အသိအမှတ်ပြု လက်ခံပေးရတာ လူ့ကျင့်ဝတ်လို့ မှတ်ယူထားပါတယ်)
ထားသွားရက် သူကိုလည်း စိတ်နာမိပေမယ့် ပြန်လာစေချင်တဲ့ စိတ် မြူတမှုံလေးမှ မထားခဲ့ရိုး အမှန်ပါ . (ကျမအချစ်က တသက်မှာ တကြိမ်သာ ပွင့်လန်းနိုင်မယ့် ကျိန်စာသင့်တဲ့ ပန်းတပွင့် ဆိုတာ သူ သိစေချင်လိုက်တာ )
သစ္စာ မထားပေးသူကို ရင်နာမိပေမယ့် အပြစ်တွေ စာမဖွဲ့ဖြစ်တော့ဘူး . . ( လောကမှာ ပြတ်ချိန်တန်ရင်
သစ္စာထက် အရေးကြီးတဲ့ အရာတွေ များစွာ ရှိနေသေးပါလား ဆိုတာ သိလိုက်ရတယ်)
ရက်စက်သွားသူကို မုန်းမိပေမယ့် အငြိုးမာန် မဖွဲ့ ဖြစ်တော့ဘူး . . (ရာဇဝင်ကို ကြည့်လိုက်ပါ ဆုတောင်းမှားခဲ့သူတိုင်း ဇာတ်သိမ်းမှ မလှကြပဲ)
ကိုယ့်အပေါ် ဆိုးတဲ့သူကို နာကျည်းမိပေမယ့် လက်တုန့် မပြန်ဖြစ်တော့ဘူး . . ( အရာတိုင်းဟာ ကိုယ်လုပ်ခဲ့တဲ့အတိုင်း တန်ပြန် သက်ရောက်မှု ရှိတယ်ဆိုတာ သိနေပါတယ်)
သူသာတယ် ငါသာတယ် သူတော်တယ် ငါတော်တယ် သဘောမထားဘူး . .
အနိုင်အရှုံး ဆိုတာလည်း သတ်မှတ်ချက် မထားဘူး . .
အားလုံး သူ့နေရာနဲ့သူ အသုံးဝင်တယ် အရာရောက်တယ် လိုအပ်တယ်လို့ ခံယူထားပါတယ် . .
အားလုံးဟာ လောကရဲ့ ဧည့်သည်တွေပါ ချစ်သူ ခင်သူ မုန်းသူ အားလုံး တနေ့ ငါအရင်လား? နင်အရင်လား? သူအရင်လား? အားလုံး အနှေးနဲ့အမြန် ထွက်ခွာသွားကြရမယ့် အပုပ်ကောင် သရုပ်ဆောင် (ဘဝတူ) ချင်းတွေ အပေါ် အမုန်း မာန်မာနတွေ အငြိုး အာဃတတရားတွေလည်း မထားဖြစ်တော့ဘူး. .
လူ့ဘဝဆိုတာ ခဏလေးပါ နေခွင့်ရတုန်း . .
• ဘဝကို အရိုးရှင်းဆုံး နေထိုင်မယ်…
• ချစ်ခြင်းမေတ္တာ ကရုဏာကို တန်ဖိုးထား မျှဝေသွားမယ်…
• ခင်မင်မှုကို အလေးထားမယ်…
• မိသားစုကို တန်ဖိုးထား ဂရုစိုက်ဆက်ဆံသွားမယ်…
• ယုံကြည်တဲ့ လမ်းကြောင်းပေါ်သို့ တွေဝေ ယိမ်းယိုင်ခြင်းမရှိ ရဲရဲဝံ့ဝံ့ ဆက်လျှောက်သွားမယ်…
• လိပ်ပြာသန့်သန့်နဲ့ နေထိုင်ပြီး ကိုယ့်လိပ်ပြာကို ဘယ်တော့မှ မျက်နှာမငယ်စေရဘူး…
လက်ရှိ အေးချမ်းလှတဲ့ ဘဝလေး ကျမ ပိုင်ဆိုင်ခွင့် ရထားတယ် ကျမ ကျေနပ်တယ်. .
ကျေနပ်တယ် မကျေနပ်ဘူးဆိုတာ ခံယူသူ အပေါ်မှာသာ မူတည်နေတဲ့ အရာပါ. .
ပြောင်းလဲလို့ မရတဲ့ အဖြစ်မှန်တွေအတွက် လက်ခံနိုင်တဲ့ ခွန်အားရှိဖို့ လိုအပ်သလို ကျေနပ်ရဲတဲ့ သတ္တိရှိဖို့လည်း လိုအပ်ပါတယ်. .
ညီမလေး ကျေနပ်နေပါတယ်
credit to Ma pui(ဇလပ်မြေ)
🌷 🌷 🌷 🌷 🌷 🌷 🌷 🌷 🌷 🌷 🌷 🌷
Post a Comment