ဖြိုးမြတ်အောင်ကို Eng လို စင်ပေါ်မှာ ပြောခိုင်းတဲ့အခါ..

မြန်မာပြည်သူ ပြည်သားတွေ စိတ်ဝင်တစား ကြည့်ရှုနေကြတဲ့ Myanmar Idol Season 3 ပွဲကြီးကတော့ ပြီးဆုံးသွားခဲ့ပါပြီ ။ Season 3 ဟာ ဆိုရင်တော့ အခြားသော Idol ပွဲတွေထက် ထူးခြားမှုတွေဖြစ်ခဲ့ပါတယ် ။ Finalist ချမ်းမြေ့မောင်ချိုနဲ့ ဖြိုးမြတ်အောင်တို့နှစ်ယောက် ပြိုင်ဆိုင်ရမယ် ဆိုပေမယ့် ချမ်းမြေ့မောင်ချိုရဲ့ ကျန်းမာရေး အခြေအနေကြောင့် နောက်ဆုံးမှာ ဝင်ရောက်ယှဉ်ပြိုင်နိုင်ခြင်း မရှိခဲ့ပါဘူး ။

Winner ဆုကိုတော့ season တစ်ခုလုံးက ပြိုင်ပွဲတွေတိုင်းမှာ ဒိုင်တွေရဲ့ မှတ်ချက်ကောင်းတွေ ရရှိခဲ့တဲ့ ဖြိုးမြတ်အောင်ကပဲ ရရှိသွားခဲ့ပါတယ် ။ ပွဲစဉ်အပြီးမှာတော့ ဂုဏ်ပြု ညစာစားပွဲလေး ပြုလုပ်တဲ့နေရာမှာ ရိုက်ကူးထားခဲ့တဲ့ Video File လေးကို ဖြိုးမြတ်အောင်ရဲ့ သူငယ်ချင်းဖြစ်သူက လူမှုကွန်ယက်မှာ တင်ထားခဲ့တာဖြစ်ပါတယ် ။ အစားအသောက်နဲ့ တည်ခင်း ဧည့်ခံနေရင်း ပြိုင်ပွဲဝင်တွေက စင်ပေါ်မှာ လွတ်လွတ်လပ်လပ် အမှတ်တရတွေပြော သီဆို ဖျော်ဖြေမှုတွေ ပြုလုပ်နေတာကို ရိုက်ကူးထားတာ ဖြစ်ပါတယ် ။

Video ရဲ့ တနေရာမှာတော့ ဇော်ကြီးနဲ့ နေခန့်မင်းသစ် တို့နှစ်ယောက်က စင်ပေါ်မှာ English လို စနောက်ရင်း ဖြိုးမြတ်အောင်ကိုပါ ခေါ်ပြီး English လိုပဲ ပြောရမှာ ဆိုပြီး ၀င်ပြောခိုင်းတဲ့ အခါ ဖြိုးမြတ်အောင်က ပြန်ပြောလိုက်တဲ့ စကားလေးကို ဖြိုးမြတ်အောင်ရဲ့ သူငယ်ချင်းက “သူတို့ အမြင်​က ဟာသ ဆို​ပေမယ့် ကျွန်​​တော့် အမြင်​က သူငယ်​ချင်း ဖြိုး​လေးအတွက်​ ရင်​အရမ်း နာရပါတယ် ” ​ဆိုပြီး တင်ထားခဲ့တာပါ..

ဖြိုးမြတ်အောင်က ” ကျွန်တော် English လို နှစ်လုံးပဲ တက်ပါတယ် ။ အဲဒါက Okay ရယ် Thanks You ရယ်တော့ ကောင်းကောင်း ပြောတတ်ပါတယ် ” လို့ ပြန်ဖြေခဲ့တာပါ ။ (သူတို့ သူငယ်ချင်း သုံးယောက် ဟာသ လုပ်ကြတာကို Video Clip ရဲ့ Time 18:19 ကစ ကြည့်နိုင်ပါတယ်) နောက်ပိုင်းမှာလဲ ကျန်တဲ့ ပြိုင်ပွဲဝင် သူငယ်ချင်းတွေက English လို ဟာသ ဆက်လက် လုပ်နေကြပြီး ဖြိုးမြတ်အောင်ကို ထပ်မံ မေးခွန်းမေးစဉ် မှာတော့ ဖြိုးမြတ်အောင်က...

” ကျွန်တော် တစ်လုံးမှတော့ နားမလည်ပါဘူး ။ ဒါပေမယ့် ကျွန်တော် မြန်မာ လူမျိုး ဖြစ်တဲ့အတွက် မြန်မာစကားပဲ ပြောပါတယ် ။ ” လို့ ပြောခဲ့ပါတယ် ။ ဒီ Video File လေးကတော့ ပျော်ပွဲရွှင်ပွဲပီပီ အပျော်တွေနဲ့ ပြည့်နေပေမယ့် ဖြိုးမြတ်အောင်ကို ချစ်တဲ့ ပရိတ်သတ်တွေအတွက်တော့ ဒီစကားလေးတွေကို သတိထားမိပြီး စိတ်မကောင်းဖြစ်နေကြတာပါ။ Myanmar Idol Season 3 ကတော့ ပြီးဆုံးသွားခဲ့ပြီး Winner ဖြိုးမြတ်အောင်ကလည်း ဆုအပြင် သူ့ကို လေးလေးနက်နက် ချစ်ခင် အားပေးတဲ့ ပရိတ်သတ်တွေပါ ပိုင်ဆိုင်သွားခဲ့တဲ့အတွကက် ဂုဏ်ယူပါတယ် ကိုဖြိုးမြတ်အောင်ရေ …

အောက်တွင် ရုပ်သံဖိုင်ကြည့်ရန်..