အိမ်ဆောက်မည့်သူများအတွက် ဆောင်ရန် ရှောင်ရန် ဗဟုသုတများ

(1) အိမ် ပတ်ဝန်းကျင်တွင် မစိုက်အပ်သော အပင်များ

(2) အိမ်ဆောက်မည့် ရက် ရွေးနည်း

(3) အိမ်ဆောက်မည့် လ ရွေးနည်း

(4) မသုံး အပ်သော သစ် (8) မျိုး

(5) အိမ် ၊ ကျောင်း ဆောက်ရာတွင် မပြုအပ်သော အရာများ

-----------------------------------------------------

သစ်ပင် ပန်းမန် ဆိုတာ လူသားတွေ အတွက် ကောင်းမွန်တဲ့ အရာပါ ။ သဘာဝ ရာသီဥတုကို သင့်တင့် မျှတစေသလို သတ္တ၀ါတွေ ကိုလည်း အကျိုးပြုစေ ပါတယ် ။ မိမိအိမ် ပတ်ဝန်းကျင် ခြံ ထဲ၊ အိမ် ၀န်းထဲမှာ အပင်တွေ စိုက်ပျိုးခြင်းဟာ ကိုယ်ရော စိတ်ပါ ရွှင်လန်းစေ မှာပါ ။

ဒါပေမယ့် ရှေးမြန်မာ အယူအရ မိမိ အိမ်၊ ခြံ ထဲမှာ မစိုက်အပ် ၊ မရှိသင့်တဲ့ အပင်တချို့ ရှိပါတယ် ။ သိပ္ပံခေတ်ကြီး ထဲမှာ ဒီ အယူအဆတွေ ခေတ်မမီတော့ဘူး လို့ပဲ ဆိုဆို ၊ ရှေးထုံးကိုလည်း မပယ်နဲ့ ဆိုတဲ့ စကားပဲ ပြောပြော အိမ်နဲ့ ပတ်သတ်ပြီး ဆောင်ရ ရှောင်ရမဲ့  ရှေးမြန်မာ အယူတချို့ကို ဖော်ပြပေးလိုက် ပါတယ် ။    ။

(1) အိမ်ပတ်ဝန်းကျင်တွင် မစိုက်အပ်သော အပင်များ

အိမ်၏ အရှေ့ဘက် မျက်နှာဘက်တွင် ညောင် ၊ သပြေပင်များ မစိုက်ရ ။ စီးပွား ပျက်တတ်သည် ။
အနောက်ဘက်တွင် လက်ပံပင် ၊ ထိန်ပင် များ မစိုက်ရ ။
တောင်ဘက်တွင် သျှီသျှားပင် ၊ ဖီးခြမ်းငှက်ပျော ၊ သင်္ဘောပင်များ မစိုက်ရ ။
မြောက်ဘက်တွင် ထန်းပင်၊ ဆန်းပင် ၊ သဖန်းပင် နှင့် သျှီသျှားပင် မစိုက်ရ ။

အဆိုပါ အပင်များသည် ဖော်ပြပါ အရပ်မျက်နှာ များတွင် ရှိနေပါက စီးပွား ယုတ်လျော့မည် ။ ရောဂါဘယ ထူပြောမည်။ အိမ်တွင်း အိမ်ပြင် ဆူပူတတ်သည်။ အလိုအလျောက်ရှိနေပါကလည်း နှုတ်ပစ် ၊ ခုတ်ပစ်သင့်ပါသည်။

(2) အိမ်ဆောက်မည့် ရက် ရွေးနည်း

တနင်္ဂနွေ     - ဒုက္ခဆင်းရဲ ရောက်တတ်သည်။
တနင်္လာ     - နှစ်လမြောက်တွင် သား ၊ သမီး ဖွားမြင်သော် ချမ်းသာ ကြွယ်ဝမည်။
အင်္ဂါ          - ဆန်ရေစပါး ပေါများ ကြွယ်ဝမည်။
ဗုဒ္ဒဟူး ၊ စနေ - သုခ ချမ်းသာရမည်။
ကြာသပတေး - ချမ်းသာ ကြွယ်ဝမည်။
သောကြာ  - သုံးလ ကြာလျှင် သုခ ပွားမည်။

(3) အိမ်ဆောက်မည့် လ ရွေးနည်း

တန်ခူးလ     - ချမ်းသာ ကြွယ်ဝမည်။
ကဆုန်လ     - ဆန်ရေစပါး ပေါများ ကြွယ်ဝမည်။
ဝါခေါင်လ     - ဥစ္စာ စီးပွား တိုးပွားမည်။
နတ်တော်လ  - ထင်ပေါ် ကျော်စောမည်။
ပြာသိုလ       - လူအများ ချီးမွမ်းမှု ရမည်။
တပေါင်းလ    - ချမ်းသာ ကြွယ်ဝမည်။

ကျန်ခြောက်လတွင် ဆောက်ပါက ပျက်စီးခြင်းများ ကြုံရတတ်သည်။

ဒီနေ့ခေတ်မှာ အိမ်ကို သစ်သား အခြေပြုပြီး မဆောက်တော့ သလောက် ပါဘဲ ။ ဒါပေမယ့် အတွင်းပိုင်း အလှဆင်တာမျိုးတို့ ၊ ပရိဘောဂတွေမှာတော့ တွင်တွင် ကျယ်ကျယ် သုံးနေကြသေး တာကြောင့် သစ်ဟာ အိမ်တစ်အိမ်ရဲ့ အဓိက ပါဝင်ပစ္စည်း ဖြစ်နေ ပါသေးတယ်။ ရှေးမြန်မာ လူကြီးများကတော့ အိမ်နဲ့ ပတ်သတ်ရင် သစ်ကို အလွန် စိစစ်ပါတယ်။

ဗဟုသုတ အလို့ငှာ သိသလောက် ဖော်ပြပေးလိုက် ပါတယ်။

(4) မသုံး အပ်သော သစ် (8) မျိုး

၁။ ခုတ်ဖြတ်စဉ် တွဲလွဲ ကျနေသောသစ် (သစ်ဆွဲချ)
၂။ သစ်ခွ သစ်ကိုင်းကြားတို့တွင် တင်နေသောသစ် (လူကောင်တင်)
၃။ အဖျားကြီး၍ အရင်းရှူးသောသစ် (သစ်ဘီးလူး)
၎။ အရင်းအဖျားရှူး၍ အလယ်တွင် ကြီးသောသစ် (သစ်နပုန်း)
၅။ လမ်းကူး ချောင်းကူးသစ် (သစ်တံတား(ခ) သစ်လမ်းကူး)
၆။ အပင်ချင်း အကိုင်းချင်း ကြိတ်သောသစ် (သစ်ကြိတ်)
၇။ အပင်တွင် နွယ်ရစ်ပတ်နေသောသစ် (သစ်နဂါး)
၈။ မျက်ရည်ပေါက်ကဲ့သို့ အကွက်ထနေသောသစ် (သစ်စည်ယို)

(4.1) အိမ် ၊ ကျောင်း ဆောက်ရာတွင် မသုံးအပ်သော သစ် (၁၁) မျိုး ။

၁။ မိကျောင်း
၂။ မအူ
၃။ သခွတ်
၎။ ညောင်
၅။ သျှီသျှား
၆။ သီး(သား)
၇။ သပြေ
၈။ သစ်စိမ်ရေသား
၉။ ကလော
၁၀။ လက်ပံ
၁၁။ လဲ

(5) အိမ် ၊ ကျောင်း ဆောက်ရာတွင် မပြုအပ်သော အရာများ

၁။ တိုင်ဟောင်းကို ပန်းမဆွဲရ ။
၂။ ထုပ်မစွပ်ခင် ယက်မ မတင်ရ ။
၃။ တိုင်တို (ထောက်တို) ကို ကြမ်းပေါ် မပိုစေရ ။
၎။ ကြမ်းခင်းတိုင်တွင် ၀ါးမတင်ရ ။
၅။ ခေါင်လျှောက်ခွတွင် မပြီးခင် ကြမ်း မဖောက်ရ ။
၆။ တိုင်ထူရာတွင် တိုင်ချင်း မထိရ ။
၇။ အိမ်ဆောက်မပြီးခင် ၀န်း မခတ်ရ ။
၈။ ထုပ် ၊ လျှောက် ၊ ဒိုင်း ၊ မြား ၊ ခါးပန်း တို့ကို အလယ်တည့်တည့်တွင် မဆက်ရ ။
၉။ အမျိုးမတူသော သစ်ချင်း မဆက်ရ ။
၁၀။ အိမ်ဟောင်း၏ လျှောက်ပေါ်တွင် အိမ်သစ်၏ လျှောက်ကို တင်၍ မဆက်ရ ။

ဒီနေ့ခေတ် တိုးတက်လာတဲ့ အနေအထားအရ အထက်ပါ အကြောင်းအရာ တို့အား လုံးဝ ရှောင်ကြဉ်ရန် မဖြစ်နိုင်တော့ ပါဘူး ။
ဒါပေမယ့်လို့ " ရှေးထုံးလည်း မပယ်နဲ့ ဈေးသုံးလည်း မကြွယ်နဲ့ '' ဆိုတဲ့ စကားလို မျိုးပါပဲ။ နှစ်ပေါင်းများစွာ တည်မြဲခဲ့တဲ့ မြန်မာလူမျိုးတို့ရဲ့ ဓလေ့ထုံးတမ်းတွေကို မျှဝေချင်တဲ့ သဘောပါ။

ဖတ်ရှုသူအားလုံး သာယာအေးချမ်းတဲ့ အိမ်ဂေဟာလေးများ ပိုင်ဆိုင်နိုင်ကြပါစေ ။   ။

ခရက်ဒစ်