သူငယ်ချင်း (8) မျိုး

1) စိတ်တူ ကိုယ်တူ သူငယ်ချင်း

သင်နဲ့ ဝါသနာ တူသူက သင်နဲ့ ပေါင်းဖက်ဖို့ အသင့်တော်ဆုံး သူငယ်ချင်း ဖြစ်တယ် ။ ဒီလို သူငယ်ချင်းမျိုးနဲ့ အတူနေချိန် သင့်စိတ်က သူတို့စိတ်နဲ့ အာရုံ ခံစားမှုချင်း တူတယ် ။ ဒါကို " နားလည်မှု " လို့ ခေါ်တယ် ။ သင့်ပြောတဲ့ စကား ၊ သင့်တွေးတဲ့ အတွေးတွေက သူတို့ အတွေးတွေနဲ့ ထပ်တူ နီးနီး ကျတယ် ။

စိတ်ချင်း ကူညီအားပေးတဲ့ ခံစားမှုမျိုးကို ရတယ်။ ဒီလို သူငယ်ချင်းမျိုးက သင့်ကိုယ်သင် အသိအမှတ် ပြုလာအောင် ကူညီပေးသလို သင့်ဝါသနာ ၊ သင့်ရည်မှန်းချက်၊ သင့်အကြိုက်တွေကို သူတို့နဲ့အတူ မျှဝေ ခံစားနိုင်တယ် ။

ဒီလို မျှဝေခံစားမှု မျိုးက သင့်စိတ်ကို လုံခြုံစေတယ် ။ မိမိကိုယ့်ကို ယုံကြည်မှု ရှိစေတယ် ။ စိတ်ကူးကို အလွယ်တကူ အကောင်အထည် ပေါ်စေတယ် ။ သင့်ဘဝကို ပျော်ပျော် ရွှင်ရွှင်နဲ့ ရှင်သန်ကြီးပြင်းစေ ပါတယ် ။

2) အားပေးဖေါ် သူငယ်ချင်း

ဒီလိုလူမျိုးက သင့်ကို ပေါ့ပါး လန်းဆန်းစေတဲ့ သူငယ်ချင်း ဖြစ်တယ် ။ တချို့ သူငယ်ချင်းတွေက သင့်ကိုခင်မင်ရင်းနှီးပြီးတာနဲ့ သင့်ကို တခြား စိတ်တူ ကိုယ်တူ သူငယ်ချင်းတွေနဲ့ မိတ်ဆက်ပေးတယ် ။

သင့်စိတ်တွေ မွန်းကြပ်တဲ့အခါ ၊ စိတ်ညစ်တဲ့အခါ သူတို့က သင့်ရင်ဖွင့်သံကို ပထမဦးဆုံး နားထောင်ပေးသူတွေ ဖြစ်တယ် ။ ဒီလို သူငယ်ချင်းမျိုးက သင့်အတွက် အကောင်းဆုံး နားထောင်သူ ဖြစ်တယ် ။ သင့်စိတ်ကို ဖြေလျော့စေတယ်။

သူတို့နဲ့ ပေါင်းသင်း ရတာ သင့်ကို ဘာစိတ်ဖိအားမှ မရှိစေတဲ့ အပြင် သင့်ရင်ထဲက မွန်းကြပ်နေတဲ့အရာတွေကို ထွက်ပေါက်ပေး စေတယ် ။ သင့်ရဲ့ တည်ငြိမ် အေးချမ်းတဲ့ စိတ်ကို အသစ် တစ်ဖန် မွေးဖွားစေပါတယ် ။

3) ဆရာနဲ့ တူတဲ့ သူငယ်ချင်း

သူတို့က သင့်ကောင်းကွက်တွေ သင်ကိုယ်တိုင် သိမြင်နိုင်ဖို့ သင့်ကို အမြဲ ကူညီ အားပေးတယ် ။ ဒီလို သူငယ်ချင်းမျိုးကို ဆရာ အမျိုးအစားလို့ ခေါ်တယ် ။ သူတို့က သင့်ရဲ့ ဆရာ ဖြစ်ချင်မှ ဖြစ်မယ် ။

ဒါပေမဲ့ သူတို့မှာ အခြား ဗဟုသုတ၊ အတွေ့အကြုံတွေနဲ့ ပြည့်စုံတယ် ။ သင့်ရဲ့ အလုပ်အကိုင် ၊ မိသားစု ၊ လူလူချင်း ပေါင်းသင်းဆက်ဆံရေး တွေမှာ သူတို့က သင့်ကို အကြံဉာဏ်တွေ ပေးနိုင်တယ် ။

လူ့ဘဝမှာ ဒီလို သူငယ်ချင်း မျိုးက သင့်စိတ်ကို ထောက်ကူပေးတဲ့သူ ဖြစ်တယ် ။ သူတို့ဟာ သင့်အနားမှာ အမြဲ ရှိနေပြီး သင် အတုယူထိုက်သူလည်း ဖြစ်တယ်။

4) ဖေးမကူညီတဲ့ သူငယ်ချင်း

သင့်ကို လမ်းညွှန် ဆုံးမ ပြီး လူတွေ ရှေ့မှာ သင့်ကို ချီးမွမ်းစကားပြောတဲ့ သူငယ်ချင်း ။ ဒီလို သူငယ်ချင်းမျိုးက " နင့် ငါ့ကိုကူ၊ ငါ နင့်ကိုကူ " ဆိုတဲ့ အချင်းချင်း ကူညီအားပေးတဲ့ သူ ဖြစ်တယ် ။ ဘဝ ရှင်သန်ကြီးပြင်းရာ လမ်းတလျှောက်မှာ သူငယ်ချင်းရဲ့ ဖေးမ ကူညီမှု၊ ချီးကျူးမှု တွေက အဖိုးတန်လွန်း တယ် ။

ဆင်းရဲဒုက္ခ၊ အခက်အခဲတွေနဲ့ သင် ရင်ဆိုင်ရချိန် ဒီလို သူငယ်ချင်းမျိုးက သင့်အခက်အခဲ တွေကို ကူညီ မျှဝေဖြေရှင်းပေးတယ် ။ သင့်ရင်ထဲက ဖိအားကို လျော့ချ ပေးတယ် ။ သူတို့ရဲ့ယုံကြည်မှုက သင့်အတွက် စိတ်ဓာတ် အားဆေး ဖြစ်တယ်။

5) လမ်းပြသူ သူငယ်ချင်း

သင့်ရဲ့ စိတ်ကူး အတွေးတွေကို သန့်ရှင်း ကူညီပေးသူ၊ လမ်းပြ အကြံပြုတဲ့ သူငယ်ချင်းမျိုး ဖြစ်တယ် ။ ဒီလိုသူငယ်ချင်းမျိုးက လမ်းပြမီး အမျိုးအစားဖြစ်တယ် ။ လူတိုင်းမှာ လိုအပ်ချက်နဲ့ အကူအညီဆိုတာ လိုအပ်တယ်။

တချို့ အခက်အခဲတွေကို သင့်ကိုယ်ပိုင် စွမ်းအားနဲ့ ဖြေရှင်းဖို့ မလွယ်ကူတဲ့ အခါ ဒီလို သူငယ်ချင်းမျိုးက သင့်ကို စိတ်ပါ လက်ပါ ကူညီပြီး အသင့်တော်ဆုံး အကြံတွေကို ပေးတယ်။

သင့်စိတ်ရှုပ်ထွေးတဲ့ အခါ ၊ စိတ်ညစ်တဲ့ အခါပဲ ဖြစ်ဖြစ် သူတို့ကို သင်ရင်ဖွင့်နိုင်တယ် ။ သူတို့က ရှုပ်ထွေးနေတဲ့ သင့်စိတ်ကို ကူညီသန့်ရှင်းပေးပြီး ကြည်လင်တဲ့ဖက်ကို လမ်းညွှန်ပေးတယ် ။

6) အသိအမြင် တိုးပွားစေတဲ့ သူငယ်ချင်း

သင့်ကို ဆန်းသစ်တဲ့ အမြင်၊ ဆန်းသစ်တဲ့ အခွင့်အရေး တွေကို တွေ့မြင်စေတဲ့ သူငယ်ချင်း ဖြစ်တယ်။ ဒီလိုသူငယ်ချင်းမျိုးလည်း ဘဝမှာ မရှိလို့ မဖြစ်ပါဘူး ။ သူတို့ဟာ သင့်ရဲ့ " ကမ္ဘာ့ စာကြည့်တိုက် " ဖြစ်တယ် ။

ဒီလို သူငယ်ချင်းမျိုးက သင့်အသိဉာဏ် ၊ ဗဟုသုတ ၊ ပေါင်းသင်း ဆက်ဆံရေးကို ကျယ်ပြန့် စေတယ် ။ သင့်ကို မတူတဲ့ စိတ်ခံစားမှု မျိုးကို ခံစားစေတယ် ။ သင့်ကို မြင့်မြင့်ရပ် ၊ ဝေးဝေး လှမ်းကြည့်တတ်ဖို့ သင်ပေးသူတွေ ဖြစ်တယ်။

7) တံတား ခင်းပေးတဲ့ သူငယ်ချင်း

ဒီလိုလူမျိုးက ကူညီတဲ့ သူငယ်ချင်း အမျိုးအစား ဖြစ်တယ် ။ သင် အားရကျေနပ် ပျော်ရွှင်ချိန်မှာ သူတို့ရဲ့အရိပ်တွေက သင့်အနားမှာ ရှိမနေဘူး ။ သင့် စိတ်ညစ်အားငယ် ကြေကွဲချိန် ကျမှ သင့်ရှေ့မှောက် ရောက်လာတတ်သူတွေ ဖြစ်တယ် ။

သင် ယုံကြည်စိတ်ချ ရတဲ့ ကူညီမှုမျိုးကို သူတို့ ပေးတယ် ။ မျှော်လင့်ချက်နဲ့ အခွင့်အရေးကို သင်ပြန်မြင်ရဖို့ သူတို့ စွမ်းဆောင် ပေးတယ် ။ စိတ်ဓာတ်တွေ အရောင်တောက်အောင် သူတို့မပြတ် ကူညီပေး တတ်တယ် ။

8) သင့်ကို အဖော်ပြုတဲ့ သူငယ်ချင်း

ကောင်းတဲ့ သတင်းပဲ ဖြစ်ဖြစ်၊ ဆိုးတဲ့ သတင်းပဲ ဖြစ်ဖြစ် သူတို့ကို အရင် သင်ပြောပြတယ် ။ သူတို့ဟာ သင်နဲ့ အမြဲ အတူ ရှိနေတယ် ။ ဒီလို သူငယ်ချင်းမျိုးက ပင်လယ်ထက် ကျယ်တဲ့ ရင်ခွင် ရှိတယ် ။ တောင်တန်းတွေလို မြင့်မားတဲ့ စိတ်သဘောထား ရှိတယ် ။

သူတို့ကို သင်ဘယ်အချိန် သွားရှာခဲ့ ရှာခဲ့ သူတို့က သင့်ကို နွေးနွေး ထွေးထွေး ကြိုဆိုတယ် ။ သူတို့က သင့်အတွက် စိတ်ပြည့်ဝ၊ တည်ငြိမ်စေတဲ့ သူငယ်ချင်းဖြစ်တယ်။ တစ်ခါတလေ ပြောစရာ စကား များများ စားစား မရှိချင်နေ သင့်အနားမှာ သူတို့ရှိတယ် ဆိုရင်ပဲ သင့်စိတ်ကို တည်ငြိမ် အေးချမ်းစေ ပါတယ် ။

--------
သူငယ်ချင်းတွေနဲ့ အမြဲ မဆက်သွယ်တိုင်း ၊ အမြဲ မတွေ့ဆုံ မိတိုင်း မေ့သွားပြီလို့ မဆိုနိုင် ပါဘူး ။ သူငယ်ချင်းဆိုတာ ဟောင်းနွမ်းသွားလို့ ရပေမယ့် ခင်မင်ရင်းနှီးမှုက ယုတ်လျော့သွားလို့ မရဘူး ။ သင့်ဘဝ တသက်မှာ စိတ်တူ ကိုယ်တူ သူငယ်ချင်းကောင်း ဘယ်နှယောက် ရှိနိုင်မလဲ ? တကယ်လို့ အထက်က သူငယ်ချင်းမျိုးနဲ့ သင်ကြုံဆုံလာတဲ့ အခါ သူတို့ကို တန်ဖိုးထား မြတ်နိုးလိုက်ပါ ။

TrueWar