ကျိန်စာ
ကျွန်မဘဝထဲ လှည့်ကွက် မာယာတွေနဲ့ ငဲ့ကွက်မညှာ ဝင်လာရဲသူသို့
မိန်းမတစ်ယောက်ရဲ့ အချစ် ဆိုတာ
တစ်ရာဖိုး သုံးပုဒ်တန် အပေါစား ဝတ္တုစာအုပ် မဟုတ်ဘူး
စာမျက်နှာတိုင်းမှာ သစ္စာ ဆိုတဲ့ စာလုံး
မြတ်နိူးမှု မျက်လုံးတွေနဲ့ ရှူမြင် ခံစားပြီး
မေတ္တာလက်နဲ့ စာရွက်အပြည့် ရေးသီကုံး ထားတာ
ဖေးမှီ အုံးဖို့ တစ်သက်တာ အတွက် ရည်ရွယ်ထားတဲ့ လက်မောင်းတစ်ဖက်ဟာ
မာယာများစွာထဲ အုံးစက်ခံ ဈာပန သင်္ချိုင်းကုန်း ဖြစ်မှန်း မသိစွာ
တွယ်မက်မိတဲ့ ငါ့အရှက်တရား အတွက်
ဘာနဲ့ လျော်ကြေး ပေးဆပ်ချင် ပါသလဲ
နှောင်တွယ်မိတဲ့ အချစ်တွေ အားလုံး
တပ်မက်မှု နဲ့ အထပ်ထပ် ညစ်ပတ်နေတဲ့
နင့်လက်တွေနဲ့ပဲ တွန်းခွာချ လိုက်ပါပြီ
ငြင်းအား ဘယ်သူ ရှိပါသလဲ
မြွေပွေး တစ်ကောင်ဟာ အကောင် ဘယ်လောက် ငယ်ငယ်
အဆိပ်ပြင်းတယ် ဆိုတာ ကိုပေါ့
ခါးပိုက်ထောင် ထဲကနေ ဆိုးဆိုး ဝါးဝါး အစွမ်းပြမှ သိလိုက်ရတော့
ဆေးမမှီ လိုက်တော့ဘူး
သေအံ့မူးမူး အချိန်လေးမှာ
နင်ရဲ့မာယာ အဆိပ်တွေ ပြန်အန်ထုတ် လိုက်ပေမယ့်
ပြန့်နှံ့လာတဲ့ အဆိပ်တန်ခိုးနဲ့
ငါဟာ မူးမိုက်ပြာဝေ ခဲ့ပြီ
ကြာရှည် အဆိပ်တက်လို့ ခံစားရမယ့် ဝေဒနာအစား
အိပ်စက်ခြင်းတွေ ထာဝရ တည်မြဲပါစေ
နာကျည်းချက်တွေနဲ့ အသက်ဆက် ရမယ့် အစား
ဒီဘဝ ဒီခန္ဓာ ချုပ်ငြိမ်းရပါစေ
အသရေ ညိူးလို့ တန်ဖိုးမဲ့ခဲ့ ရတဲ့ ငါ့အချစ် ငါ့အဖြစ် အတွက်
ရှင်သန်ခြင်းတွေ ကင်းပျောက်စေဖို့
မီးဟုန်းဟုန်း တောက်နေတဲ့ သတ်ကွင်း ပြင်ထဲ
ခုန်ဆင်းကာ သေပွဲဝင်လိုက် ပါ့မယ်
နတ်ဆိုးတစ်ကောင်ကိုမှ မြတ်နိုးမှု အရောင်တွေနဲ့
သက်ဆုံးတိုင် ချစ်မိသွားသူရဲ့ ကျဆုံးခန်းဟာ မခန်းနားပေမယ့်
တန်ဖိုးမထားပဲ သစ္စာစကားကို လက်တစ်လုံးခြား
လှည့်ပတ်ကာ ပြောထွက်သူရဲ့ အပါး ရှင်သန်ကာ နေရခြင်းထက်
ပြာတစ်စ မကျန် ခဝါချလို့
ငါ့ ဈာပန အထမြောက်ပါစေ တော့
ဖြစ်လေရာဘဝ ငါ့အချစ်ကို တန်ဖိုးမထား ရက်စက်သူအား
အမုန်းတရား များစွာနဲ့ ကျိန်ဆိုခဲ့မယ်
နင့် တစ်သက်တာ ဘယ်ရင်ခွင်မှာမှ
မှေးစက်ကာ မပျော်ရပါစေနဲ့
ဘယ်အနမ်းနဲ့မှ
ရှင်သန်ခြင်း အထ မမြောက်ပါစေနဲ့
ဘယ် အပြုံးနဲ့မှ
နှလုံးကြည်မွေ့ အေးချမ်းခြင်း နမိတ် မထင်ပါစေနဲ့
တစ်စက္ကန့် မကြာ အိပ်စက် မပျော်သာပဲ
လိပ်ပြာမလှ အိပ်ရာက နိုးထရပါစေ ..... ။
May Kha
Post a Comment