ကိုယ်ပိုင်အစွမ်းစရှိတဲ့ မိန်းမတစ်ယောက်ရဲ့အချစ်
___________________
မိန်းမတစ်ယောက်က ယောက်ျားတစ်ယောက်ကို မှီခိုချင်တဲ့ စိတ်နဲ့ ရွေးချယ်တယ် ဆိုတာ ခပ်ညံ့ညံ့ အတွေးအခေါ်ပါ ။ ကိုယ်ပိုင်အစွမ်းအစ ရှိတဲ့ မိန်းမ တစ်ယောက်ဟာ ယောက်ျားတစ်ယောက်ကို ဘဝခရီးဖော် အဖြစ် ရွေးချယ် လိုက်ရင်တောင် မှီခိုအားကိုးစိတ် လုံးဝမရှိဘူး ။ သူ့ ဘဝအတွက် ရဲဘော်ရဲဖက် ဆိုးအတူ ကောင်းဖက်အဖြစ် ရွေးချယ်တာ ။
လူတိုင်းဟာ မွေးလာထဲက အဆင်ပြေတဲ့ ဘဝဆိုတာကို ပိုက်ပွေ့ပြီး ဘယ်သူမှ မွေးလာတာ မဟုတ်ပါဘူး ။ မခံချင်တဲ့စိတ် ရယ် မိန်းမတစ်ယောက်ရဲ့ သိက္ခာကို တန်ဖိုး ထိန်းသိမ်းတဲ့ မိန်းမတိုင်း ယောက်ျားတစ်ယောက်ရဲ့ လောင်းရိပ်အောက် မနေလိုပါဘူး ။ သူပေးမှ စားရမယ် ' သူပေးမှ ဝတ်ရမယ် ဆိုတဲ့ အလုပ်ဟာ အတော်လေး ခံရခက်စေတဲ့ လုပ်ရပ် လို့ ထင်ပါတယ် ။
ကိုယ်ပိုင်အစွမ်းစ ရှိတဲ့ မိန်းမတိုင်း လိုချင်တာ ရှာကျွေးမဲ့ ယောက်ျားမဟုတ်ပါဘူး။ အနားကနေ အေးအတူပူအမျှ ကောင်းတူဆိုးဖက် တိုင်ပင်ဖော် တိုင်ပင်ဖက် အဖော်မွန်ပါ ။ လမ်းပြပေးမဲ့ ယောက်ျားထက် ဖေးမပေးတဲ့ ယောက်ျားမျိုး ။ လိုသမျှ ဖြည်းဆည်းပေးတဲ့ ယောက်ျားထက် နွေးထွေးကြင်နာ တတ်တဲ့ သူ ပါ ။ ဦးဆောင် တတ်တဲ့သူထက် မိမိအပေါ် ဂရုတစိုက်ရှိတဲ့ ယောက်ျားတစ်ယောက်ပါ ။
စီးပွားရေး ရှာနေလို့ ဆိုတဲ့ အကြောင်းပြချက်နဲ့  မကြာမကြာ လျစ်လျှူပြုခြင်း ခံရတဲ့ မိန်းမတစ်ယောက်ရဲ့ နှလုံးသားဟာ တဖြေးဖြေး အေးစက်လာတာ အပြစ်မဟုတ်ပါဘူး ။ အလုပ်မအားလို့ ပါ ဆိုတဲ့ အကြောင်းပြချက်နဲ့  အချိန်တော်တော် ကြာ ပစ်ထားပြီး ငါ့ အပေါ် ဆက်ဆံရေးတွေ ပြောင်းလဲသွားပြီလို့ မစွတ်စွဲပါနဲ့။ သူလည်း ခံစားတတ်တဲ့ နှလုံးသား ရှိပါတယ် ။
အဆင်မပြေသေးတဲ့ ဘဝမို့  ရုန်းကန်နေရတယ် ဆိုတဲ့ အကြောင်းပြချက်နဲ့  နွေးထွေးမှုမပေး ကြင်နာမှု မရှိလို့  ကျောခိုင်းသွားရင် အပြစ်မတင်ပါနဲ့  ။ သူနေတတ်သွားအောင် အချိန်တွေကြာကြာ ပစ်ထားခဲ့တာ ဘယ်သူလည်း ။ သူပြောင်းလဲသွားတဲ့ အေးစက်စက် ဆက်ဆံရေးအဖြစ် ဘယ်သူ ဖန်တီးထားခဲ့တာလည်း ။ သူကျောခိုင်းသွားအောင် တွန်းပို့ ခဲ့တာ ဘယ်သူလည်း ။
မိန်းမဆိုတာ နူးညံ့သိမ်မွေ့ ခြင်းကို လက်ကိုင်ထားတတ်တဲ့ အမျိုးပါ ။ ကြောင်တွေလိုပဲ အချိန် မရွေး လက်သာယာ ပါသွားတတ်ပါတယ် ။ အတော်လေး သည်းခံစွမ်းရှိတဲ့ မိန်းမတွေသာ ယောက်ျားတစ်ယောက်ရဲ့ ဥပက္ခာ ဒဏ်ကို ရင်စီးခံလိမ့်မယ် ။ ခံနိုင်ရည် မရှိတဲ့ မိန်းမတစ်ယောက်ဟာ ဘယ်လောက်ထိ ချစ်တဲ့သူဖြစ်ပါစေ ဥပက္ခာရဲ့ အဝေးဆုံးအရပ်ကို ထွက်သွား ပါလိမ့်မယ်။ ဒါဟာ သစ္စာမဲ့ခြင်း မဟုတ်ပါဘူး ။
မိန်းမတိုင်း မှာ တူညီတဲ့အချက်က နာမည်ပျက်ခံပြီး ယောက်ျားတစ်ယောက်ကို မပတ်သက်ဘူး ။ ချစ်ခြင်းတရားမှာ ထုတ်ပြောတတ်တာနဲ့ မပြောတာပဲ ရှိတယ် ယောက်ျားတွေထက် ပိုပါတယ် ။ မိန်းမသားတွေဟာ အချစ်တွက်နဲ့  ပိုပြီးမိုက်ရူးရဲ ဆန်ရဲသလို ပိုပြီးလည်း ပြတ်သားတတ်ပါတယ် ။
ဒါကြောင့် မိမိ အမှန်တကယ် တန်ဖိုးထားတဲ့ ချစ်သူအပေါ် ဥပက္ခာပြုခြင်းကို မကြာခဏ မလုပ်ပါနဲ့ ။ ဘယ်လောက် အလုပ်များနေပါစေ ဖုန်း တစ်မိနစ်စာလောက် အချိန်ပေး နိုင်အောင် ကြိုးစားပါ ။ ဘယ်လောက် အဆင်မပြေ ဖြစ်နေပါစေ ညည်းညူခြင်းနဲ့  စိတ်ဒုက္ခ မဖြစ်စေပဲ ဂရုတစိုက် ကြင်နာပြခြင်းနဲ့  ကြာရှည်စေတဲ့ ချစ်ခြင်းကို ရယူပါ ။
ကိုယ်ပိုင် အစွမ်းအစရှိတဲ့ မိန်းမတွေဟာ ယောက်ျားတစ်ယောက်ကို သေလောက်အောင် ချစ်ရင်တောင် ဥပက္ခာပြုတာ များလာရင် အချိန်မရွေး ကျောခိုင်းရဲ တတ်ကြတယ် ။ မှီခိုအားထားဖို့  ယောက်ျားတစ်ယောက်ကို ချစ်ခဲ့တာ မဟုတ်လို့  သူတို့ ပြတ်သားရင် နောက်လှည့်မကြည့်တော့ဘူး။ ဘာကိုမှလည်း ငဲ့ညှာလိမ့်မယ် မထင်နဲ့  ။ အချစ်ဆိုတဲ့ အရာမှာ သာယာမနေတတ်ဘူး။ နွေးထွေးတဲ့ မေတ္တာတရားနဲ့ ဂရုစိုက် ကြင်နာမှု သာ သူတို့ ရဲ့ အလိုချင်ဆုံးသော ဆန္ဒတွေဖြစ်ပါတယ် ။
credit to#MayNoe
Post a Comment