သင့်နာမည်ကို ကောင်းမကောင်း သင်သိပီလား...
သင့်နာမည်ကို ကောင်းလှပြီဟု ထင်နေပါသလား??? လှနေတယ် လို့ရော ထင်နေပါသလား??? နေ့သင့်နံသင့် ဟုရော ထင်နေပါသလား??? မိတ်ဖက်တွေ တွဲထားသလား??? ရန်ဘက်တွေရော တွဲမိနေသလား??? လူတစ်ယောက်အတွက် နာမည်သည် အရေးပါလှပေသည်။ လူရယ်ဟု ဖြစ်လာပြီဆို နာမည်တစ်ခု ရှိဖို့လိုအပ်ပေသည်။ တစ်ချို့လဲနှစ်ခု တစ်ချို့က သုံးခု လောက်ရှိမည်။ တစ်ချို့က မရေမတွက်နိုင်😂😂 ထိုအရေးပါလှသော နာမည်ကို မွေးဖွားပြီး မကြာမှီတွင် ပေးတတ်ကြသည်။ လူတစ်ချို့က အလွယ်ပေးသည်။ တစ်ချို့က လေးနက်စွာ စဉ်းစားသည်။ တစ်ချို့က နားလည်တတ်ကျွမ်း သူများနှင့် တိုင်ပင်ပြီးမှ ပေးလေ့ ရှိကြသည်။ နေ့သင့် နံသင့်တွေ လိုက်ဖက်မူတွေ လှပမှုတွေ အထားအသို အညွန့်အတက် အခက်အဝေတို့ စုံလင်လှပေသည်။
နာမည်ပေးရာတွင် အများအားဖြင့် မိဘနှစ်ပါးက ပေးလေ့ရှိကြသည်။ အဖိုးအဖွားတွေ ဆွေမျိုးတွေ နားလည်တတ်ကျွမ်း သူတွေလည်း ပေးကြသည်။ ထိုနာမည်ပေးရာတွင် ကောင်းကောင်းလေး လှလှလေးဖြစ်ဖို့ လူတိုင်းလိုလားကြသည်သာ ဖြစ်သည်။ ပေးလိုက်သော နာမည်သည် မွေးပြီးမှသည် သေပြီးသည်အထိ အရေးပါလှပေသည်။ တစ်ချို့ နာမည်များသည် ခေါ်လို့ ကောင်းသည် တစ်ချို့နာမည်များသည် အေးသည် လှသည် ။ တစ်ချို့နာမည်များသည် လိုက်ဖက်သည် (ဖြူဖွေးဆိုတဲ့ နာမည်နှင့် မဲတူးနေသော လူများကို မြင်ဖူးကြပေမည်😂😂) ။
တစ်ချို့ကမာသည် တစ်ချို့ကပျော့သည်။ တစ်ချို့က နာမည်နှင့် လိုက်ဖက်အောင် တော်သည်။ တစ်ချို့က နာမည်စီးနေသည်ဟု အပြောခံရလေ့ရှိသည်။ တစ်ချို့က နာမည်ကြောင့် ထွန်းတောက်နေသူတွေ ရှိသလို တစ်ချို့ကတော့ နာမည်ကြောင့် ဆုတ်ယုတ်နေသယောင် ဖြစ်တတ်သည်။ နာမည်နာမ တစ်ခုပေးပြီးသည်နှင့် လွယ်လွယ်နှင့် ပြင်ဖို့ခက်ပေသည်။ ထိုကြောင့် နာမည်ပေးရာတွင် သေခြာ စဉ်းစားဖို့တော့ လိုပေသည်။
နေ့သင့်နံသင့် နာမည်အစများ တနင်္လာ က ၊ခ ၊ ဂ၊ ဃ၊ င အင်္ဂါ စ၊ ဆ၊ ဇ၊ ဈ၊ ည ဗုဒ္ဓဟူး ရ ၊ယ၊ လ၊ ဝ ကြာသာပတေး ပ၊ ဖ၊ ဘ၊ ဗ ၊မ သောကြာ သ၊ ဟ စနေ တ၊ ထ၊ ဒ၊ ဓ၊ န တနင်္ဂနွေ အ ၊ဥ၊ ဧ စသည်တို့ ဖြစ်သည်။ နာမည် တစ်ခုစီတိုင်းတွင်`ဗျည်း၊ သရ´တို့ဖြင့် တည်ဆောက်ထားပြီး ၄င်း`ဗျည်း၊ သရ´တို့တွင် ဂဏန်းတန်ဖိုးများ သက်မှတ်ထားရှိကြသည်။ ဗျည်း၊ သရ တို့၏ ဂဏန်းတန်ဖိုးများကတော့...
၁။ အ၊ ဥ၊ေ၊ါ၊ိ၊ီ၊ု ၊ူ ၊ဲ၊ံ့ ၊်၊း ၊ တန်ဖိုးက ၈
၂။ က ၊ ခ၊ ဂ၊ ဃ၊ င. တန်ဖိုးက ၅
၃။ စ၊ ဆ၊ ဇ၊ ဈ၊ ည. တန်ဖိုးက ၆
၎။ ယ၊ ရ၊ လ၊ ဝ၊ျ(ယပင်း)၊ြ (ယရစ်)၊ွ(ဝဆွဲ) တန်ဖိုး၃
၅။ ပ ၊ဖ ၊ဘ ၊ဗ၊ မ. တန်ဖိုး ၁
၆။ သ ၊ ဟ၊ှ(ဟထိုး) တန်ဖိုး ၂
၇။ တ ၊ ထ၊ ဒ၊ ဓ၊ န. တန်ဖိုး ၇
၈။ ဋ ၊ ဌ၊ ဍ၊ ဃ၊ ဏ. တန်ဖိုး ၄ တို့ ဖြစ်ကြသည်။
နာမည်တစ်ခု၏ `ဗျည်း၊ သရ´ဂဏန်း တန်ဖိုးများကို ပေါင်းလိုက်ခြင်းအားဖြင့် နာမည်တစ်ခု၏ စုစုပေါင်းတန်ဖိုးကို ရရှိပေမည်။ ရရှိလာသော စုစုပေါင်း တန်ဖိုးကို (၈) ဂဏန်းဖြင့် စားသော် အကြွင်း ရရှိပေမည်။ ရရှိလာသော အကြွင်းများကို မူတည်၍ နာမည်အဟောများ ရှိပေသည်။ ထိုနာမည် အဟောများသည် ကုန်းဘောင်ခေတ် ပေမူ ပရပိုက် တို့မှဖြစ်ပါသည်။ သင့်နာမည် ကောင်းမကောင်းကို တွက်ကြည့်နိုင်ပါသည်။
ဥပမာ ကျနော့် နာမည်
ဇော်နေလ =(၈+ ၆+ ၈+ ၈)+( ၈+ ၇)+ ၃ = ၃၀+ ၁၅+ ၃ =၄၈
၄၈ ÷ ၈= စားလဒ် (၆)၊ အကြွင်း(၀) ထိုကြောင့် `ဇော်နေလ´သည် အကြွင်း (၀)ဖြစ်၍ `လင်းတ´နာမည် ဖြစ်သည်။
အကြွင်း (၀) `လင်းတ´နာမည်အဟော 😀
`လင်းတ´နာမည်သည် ငုပ်လိုက်ပေါ်လိုက် ဖြစ်နေမည်။ ကိုယ့်အကြံအစည်ကို သူများက လုပြီး လုပ်ခြင်းခံရတတ်မည်။ အရှက်တကွဲ ဖြစ်ဖို့လွယ်မည်။ စိတ်မတည် မငြိမ်ဖြစ်နေတတ်မည်။ ဆရာသမား လူကြီးများအတွက် အနစ်နာခံရမည်။
အကြွင်း (၁)`တံခွန်´နာမည်အဟော😀
`တံခွန်´နာမည်မျိုး ခေါ်တွင်ခံရသူများသည် ကျော်ကြားသော အောင်မြင်သူများ ဖြစ်သည်။ အနုပညာဖြင့် အောင်မြင်လိမ့်မည်။ လူအများနှင့် ဆက်နွယ် ပက်သက်နေပြီး အများကိုကြီးကြပ် ကွပ်ကဲအုပ်ချုပ် လုပ်ကိုင်ရသူ ဖြစ်မည်။ တစ်ခုထက်မကသော အလုပ်အကိုင်များကို တစ်ပြိုင်တည်း လုပ်ကိုင်ရသူ ဖြစ်မည်။ သေလျှင်သော်မှ နာမည် ကျန်ရစ်မည်။ ၄င်းနာမည် မျိုးများသည် အတိုက်အခံနှင့် ယှဉ်၍ အောင်မြင်တတ်ကြ၏။
အကြွင်း (၂)`အခိုး´နာမည်အဟော😀
`အခိုး´နာမည်သည် သြဇာအာဏာ တည်တံ၏။ ဘဝတစ်လျှောက်လုံး တိုးတက်သည်ထက် တိုးတက်အောင် စနစ်တကျ လုပ်တတ်၏။ လူအများနှင့် စပ်ဆိုင်သော အလုပ်များကို လုပ်တတ်၏။ လုပ်ချင်သည့် လုပ်ငန်းကိစ္စများကို မဖြစ်မနေ လုပ်တတ်၏။
အကြွင်း (၃)`ခြင်္သေ့´နာမည်အဟော😀
`ခြင်္သေ့ ´နာမည်သည် လူသိများမည်။ နေရာမရ ရအောင် ကြိုးစားမည်။ ထင်ပေါ်ကျော်ကြား လူသိများမည်။ အာဏာ တန်ခိုးကြီးမည် ထိပ်ကိုရောက်ပြီး ပြန်ဆင်းတတ်သည်။
အကြွင်း(၄)`ကျား´နာမည်အဟော😀
`ကျား´နာမည်သည် အတက်အကျ မြန်တတ်၏။ ကံတရားသည် ဘီးကဲ့သို့ ကောင်းတာလုပ်လျှင် ကောင်းကျိုး ခံစားရမည်။ ဆိုးတာလုပ်လျှင် ဆိုးကျိုးခံစားရမည် ဖြစ်၏။ အတိုက်အခံယှဉ်၍ အကျိုးပေးတတ်၏။ စိတ်ကူးကို အကောင်အထည် ဖော်တတ်၏။
အကြွင်း(၅)`နွား နာမည်အဟော😀
`နွား´နာမည်ရှင်သည် လူအများ၏ အသုံးချခြင်းကို ခံရလိမ့်မည်။ အများအတွက် အနစ်နာခံရမည်။ အခွင်အလမ်းကောင်းများ တွေ့မည်။ ရန်သူ၏ အတိုက်အခိုက် ခံရမည်။
အကြွင်း(၆)`မြင်း´နာမည်အဟော😀
`မြင်း´နာမည်သည် အလုပ် အမျိုးမျိုးတို့ကို လုပ်ရမည်။ လှုပ်ရှားမှု များမည်။ အတက်အကျ အမြဲ ရှိတတ်သည်။ သေးငယ်သော ပြသနာမှ ကြီးမားသော မှုခင်းများအထိ ဖြစ်တတ်သည်။
အကြွင်း(၇)`ဆင်´နာမည်အဟော😀
`ဆင်´နာမည်သည် ရေရှည်စီမံကိန်းချပြီး လုပ်ရသည့် လုပ်ငန်းများတွင် အောင်မြင် အကျိုးပေးမည်။ ဘဝကိုတည်ငြိမ်အေးချမ်းစွာ လျှောက်လှမ်းရမည်။ ဖျော်ဖြေမှု အနုပညာ လုပ်ငန်းများဖြင့် အကျိုးပေးမည်။ ကဲမိတ်ဆွေတို့လည်း မိမိတို့နာမည်ကို တွက်ချက်ကြည့်နိုင်ပေမည်။ မိဘ မောင်နှမ ဆွေမျိုး သူငယ်ချင်း နီးစပ်သူများကိုလည်း တွက်ချက်ပေး၍ မန်းရှင်း ခေါ်ပေးနိုင်လေပြီ။
ဇော်နေလ (စဆရက😂😂)
Credit ကိုးကား ဆရာဦးခန့်ကျော်၏ ကိုယ်တွေ့သုခချမ်းသာဣစ္ဆာသယဂမ္ဘီရစာအုပ်မှ
Post a Comment