မိန်းမ မယူသေးဘူးလားလို့ မေးတဲ့သူကို သတ်ပစ်ခဲ့တဲ့သူ
ခုလတ်တလော ဆိုရှယ် မီဒီယာတွေပေါ်မှာ လူပြောများနေတဲ့ ထူးဆန်းတဲ့ လူသတ်မှု ဖြစ်စဉ် တစ်ရပ်ပါပဲ။ လွန်ခဲ့တဲ့ ဇန်နဝါရီလ ၁၉ရက်နေ့က အင်ဒိုနီးရှားနိုင်မှာ ဖြစ်ပွားခဲ့တဲ့ လူသတ်မှု တစ်ခုဖြစ်ပါတယ်။
လူသတ်ရတဲ့ အကြောင်းအရင်းက လူအများကို တုန်လှုပ်သွားစေပြီး ကြားရသူအဖို့ ငိုရမလို၊ ရယ်ရမလို ဖြစ်စေခဲ့ပါတယ်။ ဖြစ်စဉ်ကတော့ အသက် ၂၈နှစ်အရွယ် အင်ဒိုနီးရှားနိုင်ငံသား တစ်ဦးဖြစ်တဲ့ ဖာအစ် အမည်ရ လူပျိုကြီးတစ်ဦးကို သူရဲ့ အိမ်နီးချင်း ကိုယ်ဝန်ဆောင် မိခင်တစ်ဦး ကနေပြီး မိန်းမ မယူသေးဘူးလား လို့ မေးလို့ လူသတ်မှု ကျူးလွန်ခဲ့တယ်လို့ သိရပါတယ်။
အသတ်ခံခဲ့ရတဲ့ အီရှာ အမည်ရ ကိုယ်ဝန်ဆောင် မိခင်က သူ့ကို တွေ့တိုင်း မကြာခဏ ဆိုသလို၊ မိန်းမယူသေးဘူးလားဆိုပြီး ခဏခဏ မေးနေလို့ စိတ်အနှောင့်အယှက် ဖြစ်ရတယ်လို့ ဆိုပါတယ်။ ဒါ့ကြောင့် သူနဲ့အိမ်နီးချင်း အဖြစ် နှစ်ပေါင်း အတော်ကြာ နေထိုင်ခဲ့တဲ့ အီရှာကို သတ်လိုက်တာလို့ ဖာအစ်က ဝန်ခံခဲ့ပါတယ်။လူသတ်မှု ကျူးလွန်တဲ့နေ့က ဖာအစ်တစ်ယောက် စိတ်မကြည်ဘူး ထင်ပါရဲ့။
“ ခုထိ မိန်းမမယူ သေးဘူးလား၊ သူများတွေတောင်ယူကုန်ကြပြီ” လို့ပြောလိုက်တဲ့ ကိုယ်ဝန်ဆောင်မိခင် အီရှာရဲ့ စကားကို မခံမရပ်နိုင် ဖြစ်ခဲ့ပါတယ်။ ဒီလိုနဲ့ပဲ သူမအိမ်ကို လိုက်လည်မယ်လို့ ပြောပြီး သူမရဲ့ အိမ်ထဲမှာပဲ လူသတ်မှု ကျူးလွန်ခဲ့တာပါ။ သူ့ရဲ့ အားပြင်းတဲ့လက်နဲ့ အီရှာရဲ့ လည်ပင်းကို ညှစ်သတ်ခဲ့တာလို့ ဖာအစ်က ထွက်ဆိုခဲ့ပါတယ်။
credit နန်း(ရွှေအင်းလေး)
Post a Comment