ဘုရားထီးတင်ဖို့ အဓိဌာန်ပြု အောင်မြေနင်းလိုက်တဲ့ ဖြိုးမြတ်အောင်

ရိုးသား ကြိုးစားမှုတွေကြောင့် Winner ဆုကို ထိုက်ထိုက်တန်တန် ရရှိသွားတဲ့ ဖြိုးမြတ်အောင်ကတော့ ပရိသတ်တွေရဲ့တခဲနက် အားပေးချစ်ခင်မှုတွေကို အခိုင်အမာ ရရှိထားတဲ့ ပြည်သူ့ အချစ်တော် တစ်ဦးပဲ ဖြစ်ပါတယ်..။

မြန်မာအိုင်ဒေါ season 3 ရဲ့ Winner ဆုရှင် ဖြစ်တဲ့ ဖြိုးမြတ်အောင်ကတော့ လတ်တလောမှာ သူ့ရဲ့ ဇာတိမြို့ ဖြစ်တဲ့ ဟင်္သာတမြို့ကို ရောက်ရှိနေပြီး လှူဒါန်းမှုများ ပြုလုပ်နေတာ တွေ့ရှိရပါတယ်..။ winner ရရင် ဘုရားထီးတင်မယ် လို့ ကတိပေးခဲ့သူ ဖြစ်တာမို့ ဘုရားထီးတော် တင်ဖို့အတွက် စတင် အဓိဌာန် ခဲ့တယ်လို့ သိရပါတယ်။

ယနေ့ သြဂုတ်လ (၁၇) ရက် နေ့မှာပဲ ဟင်္သာတမြို့ရဲ့ အထွေထွေ ပြည်သူ့ ဆေးရုံကြီးမှာ ဆေးရုံရှိ လူနာများနဲ့ ရင်းရင်းနှီးနှီး တွေ့ဆုံ အားပေးရင်း အာဟာရဒါန လှူဒါန်းခဲ့တာ ဖြစ်ပါတယ်..။ လူနာတွေနဲ့ တရင်းတနှီးတွေ့ဆုံရင်း လှူဒါန်းမှုတွေ ပြုလုပ်နေတဲ့ ဖြိုးမြတ်အောင်ရဲ့ မွန်မြတ်တဲ့ သာဓု ခေါ်စရာ အလှူဒါနလေးကိုလည်း ပရိသတ်တွေ သဘောကျ သာဓုခေါ် နေကြပြီး ဆုတောင်း စကားလေးတွေကိုလည်း ပြောပေးထားကြတာမို့ တကယ်ကို ပီတိဖြစ်စရာ အလှူပုံရိပ်လေးတွေပါပဲ ပရိသတ်ကြီးရေ..။

ဖြိုးမြတ်အောင် တစ်ယောက် ထီးတင်မဲ့ ဘုရားမှာ အာရုံပြု ၊ လူကြီးသူမများနှင့် တိုင်ပင်ဆွေးနွေး ပုံလေးတွေ ပြုလုပ်ခဲ့တယ်လို့ သိရပါတယ်။ ဖြိုးမြတ်အောင် နဲ့ မိခင်ဖြစ်သူတိုက ဘုရားထီးတော် တင်ဖို့ ဆုတောင်းဓိဌာန်နေတဲ့ ပုံလေးတွေကတော့ ကြည်နူးစရာပါ ။

ဖြိုးမြတ်အောင် ရဲ့ အမာခံ ပရိသတ်တွေကလည်း စေတီတော်ကြီး ထီးတော်တင်နိုင်ဖို့ ကြိုးစားနေတယ် လို့ သိရပါတယ် ။ ပရိသတ်ကြီးရေ ဖြိုးမြတ်အောင်ရဲ့ အလှူဖြစ်စေဖို့ ဆုတောင်းပေး ကြပါဦးနော်။

Source : We love Phyo Myat Aung