ထိုကောင်မလေးမျိုး
အဲ့ဒီ့ ကောင်မလေးပေါ့ လှလား, လှလား ကြည့်ကြည့် နေတာ ။ လုံးဝ မလှ ။လှတဲ့ နေရာ တစ်စက်မှ မတွေ့ ။
ဒါပေမဲ့လေ မလှဘဲ ချစ်ဖို့ကောင်းနေတာက သူ့ကို ချစ်ဖို့သင့်နေတာမျိုး ဆိုတော့ ခက်ပြီ။ မလှပဲနှင့် တစ်မျိုးလေး ဆွဲ ဆောင်မှု ရှိနေတာက တော်တေိာ ဆိုးတယ် ။
ခဏလေး သူ့ကို ဖျတ်ခနဲ ကြည့်လိုက်ရင် လှတယ်လို့ မမြင်နိုင် ။ တစ်ဖြည်းဖြည်းချင်း တစ်စိမ့်စိမ့် ကြည့်မှ တစ်ရစ်ရစ် ချစ်ဖို့ ကောင်းလာတတ်မျိုး ဆိုတာ အသေအချာပေါ့။
ခန္ဓာကိုယ် အချိုး အစားက လည်း အဲ့လောက်ကြီး ဆွဲဆောင်မှု ရှိနေတာလည်း မဟုတ် ။ ဒါပေမဲ့ သူ့ရဲ့ နေပုံထိုင် ပုံ ၊ပြောပုံဆိုပုံလေးတွေက ဆွဲဆောင်မှု ဖြစ်ပြီး ချစ်ဖို့ကောင်းနေတတ်တာ။
သူ ဒေါသ ထွက်ပြီ ဆိုရင် သူ့ စိတ်ကို သိပ်ဖမ်းရ ခက်တာမျိုးဗျ ။ တစ်ခါ တစ်ခါ ဘု ကျကျ တွေ ပြောလိမ့်မယ်။ တစ်ခါ တစ်ခါ ဘယ်သူ့ မှ စကားမပြောပဲ တစ်ယောက်ထဲ နေ,နေတတ်တယ် ။ သူ ဝမ်းနည်းနေတတ်တဲ့ အချိန် ဆိုရင်တော့ သိပ်ကို သနားဖို့ ကောင်းတာ။ မျက်ရည်လေး တွေဝဲ ပြီး သူ တစ်ယောက်ထဲ ငိုနေတတ်တယ်။ (အဲ့ ဒီ့ အချိန် ကျရင်လည်း သနားချစ် ချစ်ရပြန်ရော )
သူ ပျော်နေတဲ့ အချိန်ဆိုလည်း သိပ်ချစ်ဖို့ ကောင်းချက် ။ အမြဲတမ်း သူ့ ပါးချိုင့်လေးနဲ့ သူသွားတက်လေး ပေါ်အောင် ပြုံးပြုံးနေတတ်တယ် ။ အဲ့ဒီ့ လက်နက် နှစ်ခုကလည်း သူ့ ကိုပိုပြီး ချစ်စရာလေး ဖြစ်နေအောင် ပံ့ပိုးပေးနေပြန်ရော။
သူက အစားအသောက်လေးလည်း သောင်းကြမ်းတယ်။ နှုတ်ခမ်းလေး ကိုက်ပြီး မျက်စောင်းလေးထိုးတဲ့ ပညာရပ်လည်း တစ်ဖက်ကမ်းခတ် ကျွမ်းတယ် ။
သူ့ ကို ငေါက်မိတဲ့ အချိန်တွေဆို သူက မျက်ရည်လေးတွေ ဝဲဝဲ လာတတ်တယ်။ ပြန်ချော့ရင် ပိုငိုတယ် ။ ပြီးရင် တစ်အားကိုက်တယ်။
သူက မချောဘူး ။ မလှဘူး။ ဒါပေမဲ့ ချစ်ဖို့ သိပ်ကောင်းတယ် ။ သူ့ အမူအကျင့်လေးတွေကို က သူ့ကို ချစ်ဖို့ ကောင်းနေစေတာ။
သူကလေ တစ်ခါတစ်ခါ ကျ ကလေးလေး တစ်ယောက်လို ချစ်ဖို့ ကောင်းနေတတ်ပြန်တယ်။ တစ်ခါတစ်ခါ ကျ လူကြီးဆန်ပြီး တည်ငြိမ်သလို ဖြစ်ဖြစ် သွားတတ်ပြန်ရော။
သူ့ရဲ့ အားနည်းချက်က ဘာဝတ်ဝတ် ကြည့်ကောင်းနေတတ်တာ ။ freestyle နဲ့ လည်း လိုက်တယ်။ မြန်မာ ဝတ်စုံနဲ့ လည်း ယဉ်တယ် ။
အို . . သူက လုံးဝ မလှဘူး။ ဒါပေမဲ့ သိပ်ကို ချစ်ဖို့ကောင်းတယ်။
လှပ ခြင်း ဆိုတာ အနိစ္စ မမြဲတတ်သော သဘောရှိတယ်။ အသက်ကြီးလာတာနဲ့ အမျှ တဖြည်းဖြည်း အိုစာသွားမှာ ။ ကြာလာတော့ ရိုးသွားမှာ ။
ချစ်စရာ ကောင်း နေတာကသာ တစ်သက်လုံး မရိုးဘူး။ တစ်နေ့ထက် တစ်နေ့ပို တိုးပြီး တိုးပြီး ချစ်နေရမှာ ။
မလှပဲ ချစ်ဖို့ကောင်းပေးနေလို့ ကျေးဇူးပါ။ နောက်လည်း ပိုပိုတိုးပြီး ချစ်နေရမှာမို့ ကြို ပြီး ကျေးဇူးတင်ထားပါရစေ ။
®ခဲတံ®
Post a Comment