မရင့်ကျက်တဲ့သူမှသာ သ၀န်တိုတယ်

အချစ်ကြောင့် သ၀န်တိုတယ်ဆိုပီး လူအများက ယူဆထားကြပါတယ်။ ကျွန်မ ငယ်ငယ်တုန်းကလည်း အဲလိုပဲ ချစ်တဲ့စိတ်ကြောင့် သ၀န်တိုခြင်းဆိုတာ ဖြစ်လာတယ်လို့ ထင်မှတ်ခဲ့ဖူးတယ်။ ကိုယ့်ချစ်သူက ကိုယ့်ကို သ၀န်တိုတာ သူငါ့ကို ချစ်လို့ပဲ ဆိုပြီးတော့ စိတ်ထဲပျော်ရွှင်ကျေနပ် ခဲ့ဖူးတယ်။

အဲလိုပဲ အိမ်ထောင်ကျတော့လည်း ကိုယ့်ခင်ပွန်းက ကိုယ့်အပေါ်ကို သ၀န်တိုပြီး တားဆီးပိတ်ပင်တဲ့အခါ အော်… သူ့ခင်ဗျာ ငါ့ကို ချစ်ရှာလို့ သ၀န်တိုတာပဲလို့ ယူဆမိခဲ့တယ်။

သူစိမ်းတရံ အမျိုးသားတွေနဲ့ စကားပြောဆိုတိုင်း ခင်ပွန်းမျက်နှာ ညိုနေရင်၊ မျက်နှာပျက်နေရင်လည်း တစ်ဘက်လူကို အားနာရကောင်းမှန်း မသိဘဲနဲ့ ဟိုမှာ ကျွန်မခင်ပွန်း သ၀န်တိုနေပြီ ထင်တယ်၊ မျက်မှောင်ကြီး ကျုတ်နေတယ် လို့ ပြော ခဲ့ဖူးတယ်။

အဲလိုပြောပြီး စကားဖြတ် လိုက်မိတာက သူများကို စော်ကားမိခဲ့တာပဲ ဆိုတာကို ခုချိန်မှာ သဘောပေါက်နားလည်လာခဲ့တယ်။ တောင်းပန်သင့်တဲ့ စော်ကားမှုပါပဲ။ တကယ်တော့ ချစ်လို့ သ၀န်တိုတယ် ဆိုတာ မဟုတ်ပါဘူး။ ဒါဟာ လွဲမှားတဲ့ ယူဆချက်လို့အသက် ၄၀ ကျော်ချိန်မှာ လက်ခံလာခဲ့မိတယ်။

သ၀န်တိုတတ်တဲ့ သူတွေက အမြဲတမ်း ချစ်တာကိုး….၊ ချစ်လို့ အဲဒီလို ဖြစ်ရတာလို့ အကြောင်းပြကြပေမဲ့ ဒါဟာ ချစ်ခြင်းကို တစ်လွဲသုံး လိုက်တာလို့ပဲ နားလည်မိပါတော့တယ်။

တစ်ခါတုန်းကလည်း ကျွန်မအနေနဲ့ facebook သုံးနေရင်းနဲ့တစ်ဖက် Message ကနေ စကားမေးမြန်းပြောဆိုတာကို ကျမက ပြန်ပြောခဲ့ပါတယ်။ ဒါကို ခင်ပွန်းက တွေ့သွားပြီး ကျွန်မကို facebook သုံးတိုင်း မျက်မှောင်ကြုတ်ပြီး မကြည်သလိုလို၊ ပြီးတော့ သုံးနေတာကိုလည်း ယောင်လည်လည်နဲ့ လာကြည့်တာမျိုးတွေနဲ့ စိတ်အနှောက်အယှက် ဖြစ်စေခဲ့တယ်။

ကျွန်မအနေနဲ့လည်း ကိုယ့်ကိုယ်ကို ယုံကြည်သလို၊ ကိုယ့်ရဲ့ ကိုယ်ကျင့်တရားကိုလည်း ယုံကြည်တဲ့အတွက် ခုလုိုမျိုး မယုံသလိုလိုနဲ့ ဆက်ဆံခဲ့ရတာက ခံရခက်လှတယ်။ အဲဒါကြောင့်ခင်ပွန်းသည်ကို ဗြောင်ပဲ ပြောဆိုမိတယ်။

ကျွန်မရဲ့ ကုိုယ်ကျင့်တရားကို မယုံဘူးလား၊ ကျွန်မရဲ့ သစ္စာတရားကိုရော မယုံဘူးလား၊ ဘာများ ဖောက်ဖျက်ခဲ့တဲမျိုး ရှိဖူးလဲ။ ဒါကို သိလျက်နဲ့ ဒီလိုပဲ မယုံသလို လုပ်နေရင်တော့ ကျွန်မကို အကြီးအကျယ် စော်ကားနေတာပဲ လို့ ခံစားနာကျင်ရတဲ့အတိုင်း ပြောဆိုမိတယ်။

အဲဒီ နောက်ပိုင်းမှာတော့သူ့အနေနဲ့ သ၀န်တိုတာမျိုးတွေ သိပ်မလုပ်တော့ဘူး၊ လုပ်ခဲ့ရင်လည်း ကျွန်မအနေနဲ့သည်းခံနိုင်ပါ့မလားဆိုတာ စိုးရိမ်စရာပါ၊ ဒါဆို ကျွန်မတို့ အိမ်ထောင်ရေးဟာ သာယာနိုင်မှာ မဟုတ်တော့ပါဘူး။

အိမ်ထောင်တစ်ခု သာယာဖို့အတွက် ခင်ပွန်းသည်နဲ့ ဇနီးသည်တို့ရဲ့ ကိုယ်ရည်ကိုယ်သွေးဟာ အရေးကြီးတယ်ဆိုတာ အမှန်တကယ်ပါပဲ။ တကယ်တော့ သ၀န်တိုတယ် ဆိုတာက ချစ်လို့ မဟုတ်ပါဘူး၊ သ၀န်တိုတတ်တဲ့သူတွေက ချစ်လို့ ဆိုတာကို အကြောင်းပြတာပါ။

ဘာဖြစ်လို့လဲဆိုတော့ သ၀န်တိုတဲ့သူတွေရဲ့ အချစ်က မပြည့်တဲ့အချစ်၊ မရင့်ကျက်တဲ့ အချစ် အားနည်းတဲ့ အချစ်၊ အတ္တကြီးတဲ့ အချစ်မို့လို့ပါ။ အတ္တချစ် ဆိုတာကတော့ ကိုယ့်အတွက် သူ့ကို ချစ်တာဖြစ်တယ်။ အဲဒါကြောင့်ကိုယ့်အတွက်ပဲ သူက ဖြစ်ရမယ်ဆိုတဲ့ စိတ်အစွဲ ရှိနေတယ်။

အဲဒါကြောင့် ယောင်္ကျားအချို့က ပိတ်ရက်တွေမှာ မိန်းမက မိဘအိမ်သွားမယ် ဆိုတာကိုတောင် မနှစ်မြို့နိုင်တာ၊ သူ့မိဘကို ငါ့ထက်ပိုနေတယ်ဆိုတဲ့ စိတ်ကြောင့်ပါ။ မိဘအပေါ်မှာတောင် ခွဲမပေးနိုင်တဲ့ သ၀န်တိုစိတ်ဆိုတာ သူ့ကို ကိုယ်က ချစ်တဲ့စိတ်ထက်၊ ကိုယ့်ကိုယ်ကို ချစ်တဲ့စိတ်က များနေလို့ပါပဲ။

သ၀န်တိုတတ်တဲ့ သူတွေရဲ့ စိတ်ထဲမှာ အရာအားလုံးကို ငါကပဲ ရရမယ်လို့ စွဲမှတ်ထားလေ့ ရှိတယ်။ အဲဒါကြောင့် အဲလိုငါ အားလုံးမရပါလားလုို့ထင်မြင်တဲ့အခါ သ၀န်တိုစိတ် ဖြစ်ရပါတယ်။ ဒါ့အပြင် သ၀န်တိုတတ်သူတို့ စိတ်ထဲမှာ အပြစ်စွဲစိတ်နဲ့ မုန်းတီးစိတ်လည်း ရှိနေတတ်တယ်။

လွဲမှားတဲ့ စိတ်ထားတွေလည်း သ၀န်တိုသူတွေဆီမှာ ရှိရတာ တွေ့ရပါတယ်။ နောက်တစ်ချက်ကတော့ ချစ်သူက သူ့ချစ်သလောက် မချစ်ဘူးလို့ ထင်မြင်ယူဆရင်လည်း သ၀န်တို တတ်တယ်။ ပြီးတော့ ကိုယ်က သူ့အပြင် အခြား တစ်ယောက်အပေါ် စိတ်ကစားမိရင်လည်း သူလည်း ငါ့လိုပဲ ကစားမှာပဲလို့ ကိုယ့်စိတ်နဲ့နှိုင်းပြီး သ၀န်တိုတာမျိုးလည်း ရှိပါတယ်။

ဘာကြောင့်ပဲ သ၀န်တိုပါစေ၊ လူတိုင်းဟာ ကိုယ့်ရဲ့ကိုယ်ကျင့်တရား၊ သိက္ခာတရားနဲ့ ကိုယ်ပိုင် လွတ်လပ်ခွင့်ကို ထိပါးခံရတဲ့ အခါတိုင်း လူတိုင်းဟာ နာကျင်ခံစား တတ်ကြတာပါပဲ။ သင်္ကာမကင်း စိတ်နဲ့ လိုက်ကြည့်နေတာမျိုး၊ သ၀န်တိုစိတ်နဲ့ အမှားလုပ်တော့မလား လုပ်တော့မလား ဆိုတဲ့ သဘောထားမျိုးနဲ့စောင့်ကြည့်နေတာမျိုး အဲလိုစိတ်မျိုး တစ်ဦးဦးမှာ ရှိနေရင် အဲဒီ အိမ်ထောင်ရေးဟာ သာယာဖို မဖြစ်နိုင်တော့ပါဘူး။

ကိုယ့်အနေနဲ့ သူ့ကို အလုံးစုံ အပိုင်ရဖို့ ဆိုတာ ဖြစ်မှမဖြစ်နိုင်တာ၊ ကိုယ့်ကိုယ်ကိုတောင် မပိုင်တာ၊ အဲဒီသဘောတရားနဲ့ယှဉ်ပြီး စဉ်းစားဖို့ လိုပါတယ်။ ပြီးတော့ ကိုယ်က သူ့ကို ကိုယ်ချင်းစာနာစိတ်နဲ့ ကြည့်မယ်၊ စာနာထောက်ထားဆို တွေးမယ် ဆိုရင် မကောင်းတဲ့စိတ်ဟာ ၀င်မလာနိုင်ပါဘူး။

အဲလိုမှ မဟုတ်ဘဲနဲ့ အပြစ်တင်လိုတဲ့စိတ်နဲ့ ကြည့်မယ်၊ အပျက်ဆန်တဲ့ စိတ်မျိုးနဲ့ ပြသနာလုပ်မယ်၊ ဆက်ဆံရေးမှာလည်း နိုင့်ထက်စီးနင်းပြောဆို ဆက်ဆံမယ် ဆိုရင်တော့ ဘယ်လို အိမ်ထောင်ရေးမျိုး ဖြစ်နေပါစေ၊ ပျက်ဆီးနိုင်တာပါပဲ။

အိမ်ထောင် ပျက်ဆီးကြခြင်း အကြောင်းရင်းများရဲ့  ၅၀ %ဟာ သ၀န်တိုမှုနဲ့ ခင်ပွန်း (သို့မဟုတ်) ဇနီးသည်တို့ရဲ့ မရင့်ကျက်မှုတွေကြောင့် ဖြစ်တယ်လို့ စိတ်ပညာရှင် ဦးခင်မောင်သန်းရဲ့ စာအုပ်ထဲမှာလည်း လေ့လာခဲ့ဖူးပါတယ်။ ကျေးဇူးတင်ပါတယ်။

မေသင်္ကြန်ဟိန် (မြစ်မခ)