အရာရာတိုင်းဟာ ကောင်းဖို့ ဖြစ်လာတာပါ
ဟိုး .... ရှေးရှေးတုန်းက ဘုရင်ကြီးတပါး ရဲ့အတိုင်ပင်ခံ အမတ်ကြီး တပါးဟာ အင်မတန်မှ အကောင်းမြင် တတ်သတဲ့ ။ ဘုရင်ကြီးက တခုခု တိုင်ပင် လိုက်တိုင်း အကောင်းမြင်တဲ့ ဘက်ကနေပဲ ဆွေးနွေးပါ သတဲ့ ။
အကောင်းမြင် အပြုသဘော ဆွေးနွေးတော့ တော်ရုံ အပြစ်တွေတောင် အပြုသဘော ဆောင်ပြီး တဦးနဲ့ တဦး ချစ်ချစ် ခင်ခင် စည်းစည်း လုံးလုံးနဲ့ ပြဿနာတွေကို ပျော်ရွှင်စွာ ဖြေရှင်းနိုင်ခဲ့တာ ချည်းပဲတဲ့ ။
တနေ့မှာတော့ ဘုရင်ကြီးရဲ့ လက်မမှာ ပြည်တည်နာကြီး ပေါက်လာသတဲ့ ။ အတိုင်ပင်ခံကြီးကို ခေါ်တိုင်ပင်တော့ အရှင်ဘုရား စိတ်မပူပါနဲ့ ဆေးလိမ်း ဆေးသောက်ရင် ပျောက်သွားမှာပါ ။ ကောင်းဖို့ ဖြစ်လာတာပါဘုရား လို့ လျှောက်တင်သတဲ့ ။
အဲ့ဒီလိုနဲ့ ဘုရင်ကြီးရဲ့ လက်ဟာ မသက်သာပဲ ဖြတ်လိုက်ရ ပါတော့တယ် ။ အဲဒီလိုနဲ့ အင်္ဂါ မစုံတဲ့ဘုရင်ကြီး ဖြစ်သွားတော့ တာပေါ့ ။ အဲဒီတော့ ဘုရင်ကြီးလည်း စိတ်မသက်မသာ ဖြစ်ပြီး အတိုင်ပင်ခံကြီးနဲ့ စိတ်ပြေလက်ပျောက် စကားပြောဖို့ ခေါ်လိုက်တော့ တာပေါ့ ။
ဒီတော့ အတိုင်ပင်ခံကြီးက ကောင်းဖို့ ဖြစ်လာတာပါ ဘုရားလို့ ထပ်ပြီး ဖြေသိမ့်ပြန်တော့ ဘုရင်ကြီးက စိတ်ဆိုးပြီး အတိုင်ပင်ခံကြီးကို " ဒီလောက်တောင် ကောင်းဖို့ ဖြစ်လာရင် ဆရာကြီး ခဏလောက် အကျဉ်းတိုက်ထဲ သွားနေချည်လို့ " ဆိုပြီး အကျဉ်း ချထားလိုက် ပါတယ် ။
တရက်မှာတော့ ဘုရင်ကြီးဟာ စိတ်အပန်းပြေစေဖို့ အတွက် တောကစား ထွက်ခဲ့တယ် ။ စိတ်နဲ့ လူနဲ့ သိပ်မကပ်တဲ့ ဘုရင်ကြီးဟာ ကိုယ်ရံတော်တွေနဲ့ ကွဲသွားပြီး ယစ်ပူဇော်တဲ့ ဓလေ့ရှိတဲ့ လူမျိုးစုတွေရဲ့ ဖမ်းဆီးခြင်းကိုခံရပြီး သူတို့က ဘုရင်ကြီးကို ယစ်ပူဇော်ဖို့ လုပ်ကြသတဲ့ ။
ဘုရင်ကြီးလည်း ပြည်တည်နာ ပေါက်ကတည်းက ဂြိုလ်ဆိုး ဝင်ခဲ့တာ ခုဆို သေရမယ့် အဆင့် ထိတောင် ရောက်လာပါလား လို့ တွေးရင်း စိတ်ဆင်းရဲနေ တာပေါ့ ။
ယစ်ပူဇော်ဖို့ ဘုရင်ကြီးကို ရေချိုးပေး အမွှေးနံသာ လိမ်းပေးချိန်မှာ ဘုရင်ကြီးရဲ့ လက်မ ပြတ်နေတာကို တွေ့သွား ကြသတဲ့ ။ ဒီတော့ အင်္ဂါ မစုံတဲ့သူနဲ့ ယစ်ပူဇော်လို့ မရတာကြောင့် ဘုရင်ကြီးကို ပြန်လွှတ်ပေးလိုက် ကြတယ် ။
ဒီတော့မှ ဘုရင်ကြီးဟာ ဝိုး.... ကောင်းဖို့ ဖြစ်လာတာ ... ကောင်းဖို့ဖြစ်လာတာ ဆိုပြီး ... ပျော်ရွှင်စွာနဲ့ နန်းတော်ကို ပြန်လာခဲ့တယ် ။
နန်းတော်ကို ရောက်ရောက်ချင်းပဲ ဆရာကြီးကို အကျဉ်း တိုက်က လွှတ်စေပြီး ခစား ခိုင်းသတဲ့ ။ ဆရာကြီး ခင်ဗျား ပြောတာ မှန်တယ်ဗျာ ။ ကျနော့်အတွက် ကောင်းဖို့ ဖြစ်လာတာဗျ ။ ဒါပေမဲ့ ခင်ဗျား အတွက်တော့ အကျဉ်းကျပြီး အနေဆင်းရဲ အစားဆင်းရဲ ဖြစ်သွားတယ်ဗျာ ။ အဲဒီ အတွက်တော့ စိတ်မကောင်းပါဘူး " ဆရာကြီးလို့ ပြောလိုက်တယ် ။
ဆရာကြီးက ပြုံးပြုံးကြီးနဲ့ ကျနော်မျိုး အတွက်လည်း ကောင်းဖို့ ဖြစ်ခဲ့တာပါ ဘုရားတဲ့ ။ တကယ်လို့ ကျနော်မျိုးသာ အကျဉ်းမကျရင် မင်းကြီးနဲ့ တူတူ လိုက်ရမှာမို့ အဖမ်းခံ ရတဲ့ အခါ ဘုရင်နဲ့ ကျနော် နှစ်ဦး ဖမ်းခံရမှာပါ ။
ဒီအချိန်မှာ အင်္ဂါစုံသူ ကျနော်ဟာ ကိုယ်စား ယစ်ပူဇော် ခံရပြီး အသက်နဲ့ ကိုယ် အိုးစားကွဲမှာပါ ဘုရား ... ။အခုတော့ အကျဉ်းတိုက်ထဲမှာ အနားရလို့ ကောင်းဖို့ ဖြစ်လာတာပါ ဘုရားတဲ့ ။
ဘုရင်ကြီးကလည်း ကောင်းပါလေ့ ဆရာကြီးရယ် လို့ ပြောပြီး တဟားဟားနဲ့ အားရပါးရ ရီကြပါသတဲ့ ။
------
ကျနော်တို့ ဘဝမှာလည်း တခါ တရံ အခက်အခဲလေးတွေ အတိုက်အခိုက်လေးတွေ ကြုံတွေ့လာရတဲ့ အခါ လူတော်တော် များများက စိတ်ပျက် ညီးညူတတ် ကြတယ် ။
အမှန်တော့ အဲဒီ အခက်အခဲတွေ အတိုက်အခိုက်တွေ ဆိုတာ နောင်တချိန် အရာရာ အတွက် ကောင်းဖို့ဖြစ်လာတာပါ ။
ဒါကြောင့် မိတ်ဆွေတို့ ဘဝမှာ ဘယ်လို အခက်အခဲပဲ ကြုံကြုံ ဘယ်လို အတိုက်အခိုက်ပဲ ကြုံကြုံ ကောင်းဖို့ ဖြစ်လာတာလို့ စိတ်ထဲမှာ မှတ်ပါ ။ ခုလည်းပဲ ဒီစာကို ဖတ်ဖြစ်သွားတာဟာ မိတ်ဆွေ အတွက် ကောင်းဖို့ဖြစ်လာတာပါ ခင်ဗျ ။
အရာရာဟာ ကောင်းဖို့ဖြစ်လာတာပါ ။
Credit
Post a Comment